«قازاقستان» ورتالىق كونتسەرت زالىندا «قالدىرعان ءىزىڭ ماڭگىلىك» اتتى مۇعالىمدەر كۇنىنە ارنالعان مەرەكەلىك ءىس-شارا ءوتتى.
ۇستازدارعا ارنالعان مەرەكەلىك شارا ونەر جۇلدىزدارى مەن ەلوردالىق قوسىمشا ءبىلىم بەرۋ مەكەمەلەرىنىڭ شىعارماشىلىق ۇجىمدارىنىڭ ونەر كورسەتۋىمەن باستالدى. ەڭ الدىمەن ءسوز الىپ, ۇستازداردى كاسىبي مەرەكەسىمەن قۇتتىقتاعان ءبىلىم جانە عىلىم ءمينيسترىنىڭ ورىنباسارى ەلميرا سۋحانبەرديەۆا «قر ءبىلىم بەرۋ ءىسىنىڭ قۇرمەتتى قىزمەتكەرى» جانە «ى.التىنسارين» توسبەلگىسى يەگەرلەرىن ماراپاتتادى.
«قر ءبىلىم بەرۋ ءىسىنىڭ قۇرمەتتى قىزمەتكەرى» ءتوس بەلگىسىن №81 «Astana English School» مامانداندىرىلعان گيمنازيا ديرەكتورىنىڭ وقۋ ءىسى جونىندەگى ورىنباسارى زاۋرە جىلىباەۆا, استانا قالاسى دارىندى ەر بالالارعا ارنالعان ء«بىلىم-يننوۆاتسيا» ليتسەي-ينتەرناتىنىڭ تاريح ءپانى وقىتۋشىسى گۇلنار راحيموۆا, تەحنيكالىق شىعارماشىلىق ورتالىعىنىڭ ديرەكتورى قانات ءابدىراشيتوۆ, «SOS استانا بالالار اۋىلى» ءبىلىم بەرۋ مەكەمەسىنىڭ ديرەكتورى زاۋرەش ارىستانوۆا, №3 مەكتەپ-گيمنازيانىڭ فرانتسۋز ءپانى مۇعالىمى يننا احمەتوۆا, «NURORDA» مەكتەپ-ليتسەيى ديرەكتورىنىڭ وقۋ ءىسى جونىندەگى ورىنباسارى مەرۋەرت بەگىمباي الدى.
«ى.التىنسارين» توسبەلگىسى №76 «ادەمى» بالاباقشاسىنىڭ مەڭگەرۋشىسى مارال احمەتوۆا, وقۋشىلار سارايىنىڭ ادىسكەرى قىمبات ىرگەباەۆا, بالالار مەن جاسوسپىرىمدەردىڭ تۋريزم جانە ولكەتانۋ ورتالىعى ديرەكتورىنىڭ ورىنباسارى گالينا شاياحمەتوۆا, ەكونوميكالىق ليتسەي ديرەكتورى باقىتگۇل سىزدىقوۆا, №66 مەكتەپ-ليتسەيىنىڭ باستاۋىش سىنىپ مۇعالىمى سۆەتلانا باستەموۆا سياقتى ۇزدىكتەرگە تابىستالدى.
«استانا قالاسىندا ءبىلىم سالاسىنداعى جەتىستىكتەر وتە كوپ. ەلوردا مەكتەپتەرى وليمپيادالىق جارىستاردا 12 جىلدان بەرى ءبىرىنشى ورىندى ەشكىمگە بەرمەي كەلە جاتىر. وسىنداي دارىندى شاكىرتتەردى تاربيەلەپ جاتقان ءار ءبىرىڭىز ەرەكشە قۇرمەتكە لايىقسىزدار. قازىرگى تاڭدا ەلوردانىڭ ءبىلىم وشاقتارىندا 16 مىڭنان استام ۇستاز جۇمىس ىستەيدى ەكەن. ءبىلىم سالاسىنداعى ەڭ ۇلكەن, تىڭ باستامالاردىڭ بارلىعى باس قالاداعى مەكتەپتەردەن باستالىپ جاتادى», دەگەن استانا قالاسى اكىمىنىڭ ورىنباسارى ەرمەك امانشاەۆ ءبىلىم بەرۋ سالاسىنا ەڭبەگى سىڭگەن ۇستازدارعا پاتەر كىلتىن تابىستادى.
اتاپ ايتقاندا, №1 «بايتەرەك» بالاباقشاسىنىڭ تاربيەشىسى ءنابيرا ءابدىراحمانوۆا, №45 «قۇلپىناي» بالاباقشاسىنىڭ تاربيەشىسى ايگۇل احمەدياروۆا, №54 «نۇر-اي» بالا باقشاسىنىڭ ادىسكەرى شۇعا حاميتوۆا, №74 «داۋرەن» بالاباقشاسىنىڭ مەڭگەرۋشىسى گاۋھار مەيىرمانوۆا, №13 ورتا مەكتەپتىڭ قازاق ءتىلى مەن ادەبيەتى پاندەرى مۇعالىمى گۇلنازيا تۇسەكوۆا, №29 ورتا مەكتەپتىڭ ينفورماتيكا ءپانى مۇعالىمى ەركىن حاميتوۆ, №49 ورتا مەكتەپتىڭ بيولوگيا ءپانى مۇعالىمى باقىتگۇل لەكەروۆا, №68 ورتا مەكتەپتىڭ ماتەماتيكا ءپانى مۇعالىمى جادىرا دايراباي, ەنەرگەتيكا جانە بايلانىس كوللەدجىنىڭ ارنايى پاندەر وقىتۋشىسى ايجان رايىسوۆا, №2 پسيحولوگيالىق-مەديتسينالىق-پەداگوگيكالىق كابينەت مەڭگەرۋشىسى گۇلنارا ابەلدينوۆا جاڭا باسپاناعا يە بولدى.
ايتا كەتەرلىگى, بۇگىنگى تاڭدا استانا قالاسىنىڭ وقۋ وردالارىندا 16 000-نان استام مۇعالىم جۇمىس ىستەيدى, ولاردىڭ 85,9 پروتسەنتىنىڭ جوعارى ءبىلىمى بولسا, جوعارى جانە ءبىرىنشى ساناتتاعى مۇعالىمدەر سانى 2007-2008 وقۋ جىلىندا 3530-دى, 2017-2018 وقۋ جىلىندا 7949-دى كورسەتكەن. سوڭعى بەس جىل ىشىندە 2000 پەداگوگ جۇمىستاعى جوعارى كورسەتكىشى ءۇشىن ماراپاتتالعان ەكەن. ونىڭ 130-ى توسبەلگىمەن ماراپاتتالسا, 137-ءسى مەملەكەتتىك ناگرادالارعا قول جەتكىزگەن. ال 250 ۇستاز ءبىلىم جانە عىلىم مينيسترلىگى اتىنان قۇرمەت گراموتالارى مەن العىس حاتتارعا يە بولعان. جىل سايىن «استانا قالاسى ءبىلىم بەرۋ سالاسىنىڭ التىن قورى» كىتابىنا ونەگەلى ۇستازداردىڭ ەسىمدەرى تىركەلەدى. قازىرگى ۋاقىتتا كىتاپقا 86 مۇعالىمنىڭ ەسىمى ەنگەن.
مايگۇل سۇلتان,
«ەگەمەن قازاقستان»
سۋرەتتەر استانا اكىمدىگىنىڭ رەسمي سايتىنان الىندى