بۇگىن Astana Media Weeك اياسىندا وڭىرلىك باق فورۋمىن قر اقپارات جانە كوممۋنيكاتسيالار ءمينيسترى داۋرەن اباەۆ اشتى.
داۋرەن اباەۆ ايماقتىق مەديانىڭ ماڭىزدىلىعىن العا تارتىپ:
«بيىل ءۇشىنشى جىل وڭىرلىك ماسس-مەديا وكىلدەرىنىڭ باسىن قوسىپ وتىرعان فورۋم Astana Media Weeك اياسىندا ءوتىپ جاتقانى بارشاڭىزعا بەلگىلى. جۋرناليستەر ءۇشىن, ءباسپاسوز قىزمەتى مەن اقپارات سالاسىنىڭ باسقا دا ماماندارى ءۇشىن كوپتەگەن سەمينار-ترەنينگتەر ءوتتى. مەملەكەتتىك مۇددەنى حالىققا جەتكىزىپ, قوعامداعى وزگەرىستەرگە ساي كوزقاراس قالىپتاستىرۋدا ايماقتىق مەديانىڭ ماڭىزى زور. وسى ورايدا قازىرگى كۇنى وڭىرلىك اقپارات قۇرالدارىنىڭ الدىندا ۇلكەن ماقسات-مىندەتتەر تۇر. ول - مەملەكەت باسشىسىنىڭ تاپسىرماسىمەن جۇزەگە اسىرىلىپ جاتقان ساياسي, ەكونوميكالىق جانە رۋحاني جاڭعىرۋ جونىندەگى كەشەندى رەفورمالارعا جۇرتشىلىقتى جۇمىلدىرۋ», دەدى.
سونىمەن قاتار ايماقتىق فورۋمنىڭ ماقسات-مىندەتىن باسا ايتىپ, اقپارات جانە كوممۋنيكاتسيالار مينيسترلىگىنىڭ قانداي شارالار جۇرگىزىپ جاتىرعانى جايلى ءبولىستى:
«اتاپ ايتقاندا, اقپارات جانە كوممۋنيكاتسيالار مينيسترلىگى قازىرگى ەفيرلىق-تسيفرلىق اقپارات, تەلەراديوحابارلاردى تاراتۋدى ۇيىمداستىرۋ جۇمىستارىن جۇرگىزىپ جاتىر. ايماقتىق فورۋمنىڭ كوزدەگەن تاعى ءبىر ماقساتى - ەل تۇرعىندارىنىڭ مەديا ساۋاتتىلىعىن ارتتىرۋ, مەديا مادەنيەتىن قالىپتاستىرۋ. جالپى, ايماقتىق جۋرناليستەر تاراپىنان وسىنداي ماسەلەلەر كوتەرىلىپ, ونىڭ بەلگىلى ءبىر دەڭگەيدە شەشىمىن تابۋى فورۋمنىڭ پايدالى تۇسىن اڭعارتادى. الداعى ۋاقىتتا ايماقتىق فورۋم ءوزارا پىكىر مەن تاجىريبە الماسۋدىڭ تۇراقتى الاڭىنا اينالادى دەپ سەنەمىن. اقپارات جانە كوممۋنيكاتسيالار مينيسترلىگى وڭىرلىك ماسس-مەديانىڭ ساپاسىن ارتتىراتىن كەز كەلگەن باستامانى قولداۋعا ءازىر», دەدى مينيستر.