«ازاماتتارعا ارنالعان ۇكىمەت» مەملەكەتتىك كورپوراتسياسى قوستاناي قالاسىندا تسيفرلى حالىققا قىزمەت كورسەتۋ ورتالىعىن اشتى.
بۇل رەسپۋبليكاداعى ءتورتىنشى تسيفرلى حقو ەكەنىن ايتا كەتسەك دەيمىز. وسىنداي ورتالىقتار استانا, الماتى, شىمكەنت قالالارىندا قىزمەت كورسەتۋدە. بۇندا ازاماتتار مەملەكەتتىك قىزمەتتەردى وزدىگىنشە, وپەراتورلاردىڭ كومەگىنسىز الا الادى. سونداي-اق ورتالىقتا تسيفرلى ساۋاتتىلىقتى ارتتىرۋعا ارنالعان وقۋ بولمەسى جابدىقتالعان.
«تسيفرلى قازاقستان» مەملەكەتتىك باعدارلاماسى اياسىندا ازاماتتاردى مەملەكەتتىك قىزمەتتەردى ءوز بەتىنشە الۋعا ۇيرەتۋىمىز قاجەت. بۇل ءۇشىن وسىنداي ورتالىقتاردى بارلىق وبلىس ورتالىقتارىندا اشۋ جوسپارلانعان. قازىرگى ۋاقىتتا تسيفرلى حالىققا قىزمەت كورسەتۋ ورتالىقتارى استانا, الماتى, شىمكەنت قالالارىندا بار. ال قوستاناي قالاسى ءۇش مەگاپوليستەن كەيىن تسيفرلى حقو اشىلعان العاشقى وبلىس ورتالىعى بولدى», دەيدى «ازاماتتارعا ارنالعان ۇكىمەتتىڭ» قوستاناي وبلىسى بويىنشا فيليالى ديرەكتورىنىڭ ورىنباسارى ازامات يمامبەكوۆ.
سونىمەن قاتار ول تسيفرلى حقو تاۋەلسىزدىك كوشەسى 46 مەكەنجايىندا ورىن تەپكەن عيماراتتىڭ ءبىرىنشى قاباتىندا ورنالاسقانىن, ال اتالعان عيماراتتىڭ ەكىنشى قاباتىنا قوستاناي قالاسىنىڭ №1 حقو-سى كوشكەنىن تىلگە تيەك ەتتى.
«وسىعان دەيىن ءبولىم تاۋەلسىزدىك, 114 مەكەنجايى بويىنشا ورنالاسقان بولاتىن. تۇرعىندار تاراپى وسى بولىمدەگى جاعدايدى جاقسارتۋدى تالاپ ەتىپ, ءجيى شاعىمداناتىن ەدى. ەسكەرتۋلەر ەسەپكە الىنىپ, زامانعا ساي عيماراتقا كوشىرىلگەن №1 ءبولىم وپەراتورلار قىزمەت كورسەتەتىن 21 جۇمىس ۇستەلىمەن جابدىقتالدى. سونداي-اق قوستاناي قالاسىنىڭ الەۋمەتتىك قامتاماسىز ەتۋ بويىنشا بولىمدەرى دە وسى عيماراتتا قىزمەت ۇسىنىپ, جۇمىس ىستەيدى. حالىققا قىزمەت كورسەتۋ ورتالىقتارى دۇيسەنبى - سەنبى ارالىعىندا تاڭنان كەشكە دەيىن ءۇزىلىسسىز جۇمىس ىستەيدى», دەيدى ا.يمامبەكوۆ.