بۇگىن قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا قر ىشكى ىستەر ءمينيسترى ق. قاسىموۆتىڭ قوعامدىق قاۋىپسىزدىكتى قامتاماسىز ەتۋ جانە جەرگىلىكتى پوليتسيا قىزمەتىنىڭ تيىمدىلىگىن ارتتىرۋ جونىندەگى بايانداماسى, سونداي-اق, جەرگىلىكتى پوليتسيا قىزمەتىنىڭ باسشىلىعىنا مىندەتتەر جۇكتەپ, تاعايىنداۋ وكىلەتتىگى بار اكىمدەردىڭ ەسەپتەرى تىڭدالدى.
ماسەلەنى قاراستىرۋ بارىسىندا قر پرەمەر-ءمينيسترى باقىتجان ساعىنتاەۆ ىشكى ىستەر ءمينيسترى ق. قاسىموۆتىڭ نازارىن جۇرگىزىلگەن زاڭنامالىق وزگەرىستەرگە اۋداردى. قوعام جۋىردا قابىلدانعان زاڭنان كوپ نارسە كۇتىپ وتىر, ونىڭ اياسىندا ىشكى ىستەر دەپارتامەنتتەرى پوليتسيا دەپارتامەنتتەرى بولىپ وزگەرتىلدى, ال جەرگىلىكتى پوليتسيا قىزمەتى ولاردىڭ قۇرامىنا ەندى.
پرەمەر-مينيستر سونىمەن قاتار كادرلىق ماسەلەلەردى شەشۋگە كوڭىل ءبولدى. بۇل ۋچاسكەلىك ينسپەكتورلارعا (بىرقاتار وڭىرلەردە جپق بولىمشەلەرىنىڭ شتاتتىق سانىندا 10% استام بوس ورىن بار) جانە جەرگىلىكتى پوليتسيا قىزمەتىنىڭ جەكە قۇرامىنا (جپق), اتاپ ايتقاندا, سەرجانت قىزمەتتەرىن وفيتسەرلىك قىزمەتتەرگە كەزەڭ-كەزەڭمەن اۋىستىرۋعا قاتىستى. سونىمەن قاتار, «مەكتەپتىك» ينسپەكتورلار تاجىريبەسىن دامىتۋ ماسەلەسىنە اسا بايىپتى قاراۋ قاجەت. اتالعان باعىتتا باقىتجان ساعىنتاەۆ ينسپەكتورلارى بار جانە جوق مەكتەپتەر بويىنشا جاسوسپىرىمدەر قىلمىسى ستاتيستيكاسىن زەردەلەۋ قاجەتتىگىن اتاپ ءوتتى.
ماسەلەنى قاراۋ قورىتىندىسى بويىنشا, قر پرەمەر-ءمينيسترى باقىتجان ساعىنتاەۆ اكىمدەرگە وڭىرلەردە ورىن الىپ جاتقان ماسەلەلەردى قاراي وتىرىپ, قۇقىق بۇزۋشىلىقتاردىڭ الدىن الۋ جونىندەگى ۆەدومستۆوارالىق كوميسسيالاردىڭ ارنايى وتىرىستارىن وتكىزىپ, قوعامدىق قاۋىپسىزدىك دەڭگەيىن ەداۋىر نىعايتۋعا ىقپال ەتەتىن شارالار قابىلداۋدى تاپسىردى.
بۇدان وزگە, ب. ساعىنتاەۆ ىشكى ىستەر مينيسترلىگىنىڭ اقپاراتتىق تۇرعىدان اشىق بولۋى قاجەتتىگىنە نازار اۋداردى. قىلمىسپەن كۇرەس, رەزونانستىق تەرگەۋ جۇمىستارى, قوعامدىق قاۋىپسىزدىك ماسەلەلەرى بويىنشا ءىىم ءباسپاسوز ورتالىعىندا جاۋاپتى تۇلعالاردىڭ قاتىسۋىمەن جۇيەلى تۇردە بريفينگتەر وتكىزۋ تاپسىرىلدى.
ق. قاسىموۆقا ءىىم قوعامدىق كەڭەسىنىڭ ءرولىن جانداندىرۋ تاپسىرىلدى. اتالعان ماسەلە كەلەسى جىلى ۇكىمەت وتىرىسىندا قارالادى.