قر سىرتقى ىستەر مينيسترلىگى سىرتقى ەكونوميكالىق ساياسات دەپارتامەنتىنىڭ ديرەكتورى ولجاس يسابەكوۆ ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) شاقىرۋىمەن ەىدۇ دامۋعا جاردەمدەسۋ كوميتەتىنىڭ (دجك) باسقارۋ ماسەلەلەرى جونىندەگى 25-ءشى پلەنارلىق وتىرىسىنىڭ جۇمىسىنا قاتىستى.
اتالعان سەسسيالار دجك-دە تانىستىرىلعان ەلدەر ءۇشىن نەگىزگى كەزدەسۋلەردىڭ ءبىرى بولىپ تابىلادى. بۇل وتىرىس الاڭدارىندا دامۋعا رەسمي كومەك كورسەتۋ بويىنشا قىزمەتپەن قاتار جۇرەتىن ۇدەرىستەردىڭ بارلىق سپەكترىن باسقارۋعا قاتىستى تاسىلدەرى زەردەلەنەدى, ازىرلەنەدى جانە جەتىلدىرىلەدى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
2015 جىلدان بەرى قازاقستان دامۋعا جاردەمدەسۋ كوميتەتىندە «شاقىرتىلعان» مارتەبەسىنە يە. سونىمەن بىرگە, ەلىمىزدىڭ سىرتقى ساياسي ۆەدومستۆوسى ەىدۇ-نىڭ بۇل قۇرىلىمدىق بولىمشەسىمەن قر-دان ءوزارا ءىس-قيمىل جاساساتىن جۇمىس ورگانى رەتىندە انىقتالعان.
قازاقستان باسقارۋ ماسەلەلەرى جونىندەگى وتىرىسقا العاش رەت قاتىسىپ, بۇل دجك مۇشەلەرى مەن باسشىلىعىتاراپىنان جىلى قارسى الىندى. ولاردىڭ پىكىرى بويىنشا, بۇل قازاقستاندىق تاراپتىڭ كوميتەتپەن قاتار جالپى ەىدۇ-مەن ىنتىماقتاستى كەڭەيتۋدەگى تەرەڭ قىزىعۋشىلىعىنىڭ كۋاسى بولىپ تابىلادى. بۇل ءىس-شارا كورەي رەسپۋبليكاسى سەكىلدى الەمدىك دونور قاۋىمداستىعىنىڭ ءىرى ويىنشىسى ءۇشىن دە العاشقى بولدى.
وتىرىستىڭ كۇن تارتىبىنە ينكليۋزيۆتى باسقارۋ; گەندەردىك ماسەلەلەر; قاقتىعىستار جانە تۇراقسىز مەملەكەتتىك رەجيمدەر جاعدايىنداعى دونورلىق قىزمەت; كليماتتىڭ وزگەرۋىن بولدىرماۋ سالاسىنداعى جوبالار; دونورلىق وپەراتسيالاردى بۇقارالىق قولداۋ جانە باسقادا ماسەلەلەر ەندى. وتىرىس بارىسىندا,سونىمەن قاتار, دجك-نىڭ جۇمىس جوسپارى مەن بيۋدجەتىنىڭ 2017-2018 جج. ورىندالۋ بارىسى قارالدى. بۇل جانە باسقا دا ماسەلەلەردى تالقىلاۋ بۇۇ-نىڭ اياسىندا قابىلدانعان الەمدىك قاۋىمداستىقتىڭ تۇراقتى دامۋ ماقساتتارىنا قول جەتكىزۋ جونىندەگى كۇش جىگەرلەرى اياسىندا جۇرگىزىلدى.ارىپتەستىكتىڭتابىستىقارىم-قاتىناستارىنتالقىلاۋ بارىسىندا دجك وكىلدەرى استاناداعى مەملەكەتتىك قىزمەت وڭىرلىك حابىمەن ءوزارا ءىس-قيمىلدى ەرەكشە اتاپ ءوتتى.
قازاقستاندىق ديپلومات ەلىمىزدەگى دامۋعا رەسمي كومەك (درك) جۇيەسىن قۇرۋ بويىنشا جۇرگىزىلىپ جاتقان جۇمىس تۋرالى, وسى سالاداعى ۇلتتىق وپەراتور - «KazAID» اگەنتتىگىن قۇرۋ جوسپارى جانە ىسكە اسىرىلىپ جاتقان كومەك جوبالارى جونىندە اڭگىمەلەپ بەردى. قازاقستان ءوزىنىڭ درك تەتىگىن قالىپتاستىرۋدا العاشقى كەزەڭدە ەكەندىگىن ەسكەرە وتىرىپ, دجك جۇمىسىنا قاتىسۋى اسا ماڭىزدى, سەبەبى ول ەرتە كەزەندە ءتيىستى ۇردىستەردى ۇيىمداستىرۋ مەن باسقارۋعا قاتىستى ءتيىمدى امالداردى قولدانۋعا مۇمكىندىك بەرەدى.
و. يسابەكوۆتىڭ پاريجدە بولۋى كەزىندەگى باعدارلاماسىنىڭ ماڭىزدى تارماعىنىڭ ءبىرى – دجك-ءنىڭ دامۋ جونىندەگى ىنتىماقتاستىق ديرەكتوراتىنىڭ ديرەكتورى جورجە مورەيرا دا سيلۆامەن كەزدەسۋى بولدى.سۇحباتتاسۋشىلار قازاقستان مەن ەىدۇ دجك اراسىنداعى ءوزارا ءىس-قيمىلعا «تەكسەرىس» جۇرگىزىپ, قازاقستاندىق درك جۇيەسىن جەتىلدىرۋ سالاسىنداعى ءىس جۇزىندەگى بىرلەسكەن قادامدارىن قاراستىراتىن قر ءسىم مەن كوميتەت اراسىنداعى جول كارتاسىن قابىلداۋ ورىندىلىعىن پىسىقتاۋعا قول جەتكىزدى. سونىمەن قاتار, قر ءسىم وكىلى ءۇشىن دجك قىزمەتى تۋرالى تانىستىرىلىم وتكىزىلدى.
جالپى, پلەنارلىق وتىرىسقا قاتىسۋ جانە ونىڭ اياسىندا ورىن العان كەزدەسۋلەر ەىدۇ-نىڭ نەگىزگى قۇرىلىمدىق بولىمشەلەرىنىڭ بىرىمەن ءوزارا ءىس-قيمىلدى جانداندىرۋعا مۇمكىندىك بەردى.بۇل ءوز كەزەگىندە, قازاقستاندىق ۇكىمەتتىڭ كۇش-جىگەرىنە ءبىزدىڭ ەلىمىزدىڭ كورسەتكىشتەرىن ۇيىم مۇشەلەرىنىڭ, ياعني الەمنىڭ ەڭ دامىعان مەملەكەتتەرىنىڭ دەڭگەيىنە جەتكىزۋگە قولداۋ كورسەتۋدى قامتاماسىز ەتەدى.
ورىن العان ساپاردىڭ نازارىندا, سونىمەن بىرگە, قازاقستاندىق-فرانتسۋزدىق ىسكەرلىك جانە ينۆەستيتسيالىق ىنتىماقتاستىعىنىڭ ماسەلەلەرى بولدى. اتاپ ايتقاندا, قازاقستاننىڭ فرانتسياداعى ەلشىسى جان عاليەۆ پەن و. يسابەكوۆ «MEDEF»فرانتسۋزدىق كاسىپكەرلەر قاۋىمداستىعىنىڭ ۆيتسە-پرەزيدەنتى ج. لەمبلەمەن كەزدەسۋ وتكىزدى. وعان قر ەلشىلىگىنىڭ ينۆەستيتسيالار جونىندەگى كەڭەسشىسى ا. ارىستانوۆ, «Total»ۆيتسە-پرەزيدەنتى ت.دارريگران جانە قازاقستاندىق-فرانتسۋزدىق ىسكەري كەڭەسى حاتشىلىعىنىڭ مۇشەسى د. ۆەررە دە قاتىستى. «Air Liquide», «Total», «Airbus», «Idemia» (جولاۋشىلاردىڭ اۋە تاسىمالى سالاسىنداعى جوبالار) جانە باسقالار «MEDEF»-تە تانىستىرىلعان فرانتسۋزدىق كومپانيالاردىڭ قازاقستانداعى قىزمەت ماسەلەلەرى ەگجەي-تەگجەيلى قاراستىرىلدى.
فرانتسيانىڭ ىسكەر قاۋىمداستىعىنىڭ وكىلدەرى قر پرەزيدەنتى ن. نازارباەۆتىڭ شاقىرۋى بويىنشا فرانتسۋز رەسپۋبليكاسىنىڭ پرەزيدەنتى ەممانيۋەل ماكروننىڭ قازاقستانعا جوسپارلانىپ وتىرعان ساپارى ەكىجاقتى ءوزارا ءىس-قيمىلدىڭ كوكجيەگىن كەڭەيتۋگە مۇمكىندىك بەرەدى دەگەن ۇمىتتەرىن بىلدىرە وتىرىپ, قازاقستاندىق-فرانتسۋزدىق ستراتەگيالىق ارىپتەستىكتىڭ ء(تيىستى شارت ەكى ەل اراسىندا 2008 جىلى قول قويىلعان) ءبىرىنشى ونجىلدىعىنىڭ قورىتىندىسىنا قاناعاتتانۋشىلىعىن جەتكىزدى.