اقمولا وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتى مەن وبلىستىق جاستار ساياساتى ماسەلەلەرى باسقارماسى بىرلەسىپ مەملەكەتتىك قىزمەت مەكتەبىن اشتى, دەپ حابارلايدى دەپارتامەنتتىڭ ءباسپاسوز قىزمەتى.
مەملەكەتتىك قىزمەت مەكتەبىن اشۋداعى باستى ماقسات - تالانتتى, ساۋاتتى, ءبىلىمدى, جاۋاپتى, ۇيىمداستىرۋشىلىق جانە كوشباسشىلىق قابىلەتى بار جاستاردى مەملەكەتتىك قىزمەتكە تارتۋ. مەكتەپتىڭ اشىلۋى راسىمىنە اقمولا وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى بەرگەن بەسپالينوۆ جانە مەملەكەتتىك باسقارۋ اكادەمياسىنىڭ وبلىستىق فيليالى ديرەكتورىنىڭ مىندەتىن اتقارۋشى الىبەك بايماعامبەتوۆ قاتىسىپ, قۇتتىقتاۋ ءسوز سويلەدى.
جوبا اقمولا وبلىسىنداعى جوعارى ءبىلىم وردالارىندا وقىپ جاتقان, كەلەشەكتە تاعدىرىن مەملەكەتتىك قىزمەتپەن بايلانىستىرعىسى كەلەتىن (18-29 جاستاعى) جاستارعا ارنالعان. وسى ماقساتتا اقمولا وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتى مەن وبلىستىق جاستار ساياساتى ماسەلەلەرى باسقارماسى بىرلەسىپ ستۋدەنتتەر اراسىندا ىرىكتەۋ جۇرگىزدى. ىرىكتەۋ ناتيجەسى بويىنشا كوكشەتاۋ قالاسىنداعى جوعارى وقۋ ورىندارىنان تاڭداپ الىنعان 20 ستۋدەنت تاعىلىمدامادان وتەتىن بولدى.
- اقمولا وبلىسىنىڭ مەملەكەتتىك قىزمەت مەكتەبى كەلەشەگى زور جاستار مەن مەملەكەتىك ورگانداردى بايلانىستىراتىن كوپىر بولاتىنىنا سەنىم مول. مەكتەپتىڭ باستى مىندەتى ەلباسىنىڭ «100 ناقتى قادام» ۇلت جوسپارىن جۇزەگە اسىرۋ باعىتىندا كاسىبي مەملەكەتتىك اپپاراتتى قالىپتاستىرۋدا جوعارى بىلىكتى, قۇزىرەتتى, كەلەشەگى بار جاستاردى دايارلاۋ, - دەپ اتاپ ءوتتى بەرگەن بەسپالينوۆ.