ورالدا وليمپيادا چەمپيونى دانيار ەلەۋسىنوۆتىڭ جۇلدەسى ءۇشىن بوكستان ەرەسەكتەر اراسىندا حالىقارالىق ءتۋرنيردىڭ جەڭىمپازدارى انىقتالدى, دەپ حابارلادى قازاقستان بوكس فەدەراتسياسى.
بوكستان ەرەسەكتەر اراسىندا بقو-نىڭ اعا جاتتىقتىرۋشىسى ساتتار سۇلتانعاليەۆتىڭ ايتۋىنشا, ءبىرىنشى رەت ۇيىمداستىرىلعان جارىسقا وزبەكستان مەن تاجىكستاننان, قىزىلوردا, ماڭعىستاۋ, اقتوبە, تۇركىستان, باتىس قازاقستان وبلىستارى مەن شىمكەنت قالاسىنان قىرىققا جۋىق سپورتشى قاتىستى. تۋرنير ناتيجەسىندە سالماق دارەجەلەرىنە قاراي نۇرسۇلتان نۇريدەنوۆ (52 كگ, بقو), ساعىندىق مولداشەۆ (57 كگ, بقو), شەربەك راحماتۋللاەۆ (63 كگ, وزبەكستان), راسۋل جاڭبىرباي (69 كگ, بقو), تۇرسىنباي قۇلاحمەت (75 كگ, قىزىلوردا), ەرىك ءالجانوۆ (81 كگ), ماعجان بازارباي (91 كگ, ەكەۋى دە ماڭعىستاۋدان) جانە يسلوم يۋسۋپوۆ (+91 كگ, وزبەكستان) چەمپيون اتاندى. «الداعى جىلى جارىس اۋقىمىن بۇدان دا گورى كەڭىرەك ەتىپ ۇيىمداستىرۋدى كوزدەپ وتىرمىز. دەڭگەيى جوعارىلاپ, 80-90 بوكسشى كەلەتىن بولادى», - دەدى س.سۇلتانعاليەۆ.