2018 جىلى قىركۇيەكتىڭ 5 مەن 16 ارالىعىندا پاريجدە وتكەن, فرانتسۋزدىڭ L’Etrange Festival كينوفەستيۆالى اياسىندا رەجيسسەر ءادىلحان ەرجانوۆتىڭ فيلموگرافياسى Focus اتتى ارنايى سەكتسياسىندا كورسەتىلدى.
تۋىندىلار اراسىندا قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسىندا تۇسىرگەن «ريەلتور», «ۇكىلى كامشات» جانە ء«تۇن قۇدايى» فيلمدەرى دە بار.
رەجيسسەر ءادىلحان ەرجانوۆتىڭ ايتۋى بويىنشا, فرانتسۋز كورەرمەنى ونىڭ فيلمدەرىنە قىزىعۋشىلىق تانىتقان, كەلۋشىلەر سانى كوپ بولىپ, كەزەكككە تۇرىپ كۇتكەنكەندەر دە بولعان. سونىمەن قاتار, ءتۇرلى كاسىبي كەزدەسۋلەر مەن سۇحباتتار جاساعان. «فرانتسۋزدار ونەر مەن كينونى برازيليالىقتار فۋتبولدى تۇسىنگەندەي تۇسىنەدى. ولار ءۇشىن ونەر – ۇلتتىق ءداستۇر. سوندىقتان دا كينوداعى اۆانگارد سول جاقتان تارايدى. كينوداعى مودانى كانن مەن فرانتسيا جاسايدى. ول جاقتىڭ كورەرمەنىمەن سويلەسۋدىڭ عانيبەت. ولار سينەفيلدەر – قازاق كينوسىندا بولىپ جاتقان دۇنيەلەردەن حاباردار. ولارعا شىنىمەن دە مەنىڭ كينوم قىزىقتى», - دەدى ەرجانوۆ.
L’Etrange Festival شيرەك عاسىرعا جۋىق ۋاقىت وتكىزىلىپ كەلەدى. بۇل فەستيۆال «ەرەكشە, قايتالانبايتىن, سيرەك, جوعارى دەڭگەيدەگى» فيلمدەرگە ارنالعان. فەستيۆال باعدارلاماسىندا نەگىزگى بايقاۋ (لارس فون تريەردىڭ «دجەك تۇرعىزعان ءۇي» ءفيلمى كورسەتىلەتىن) مەن قىسقامەتراجدى فيلمدەردىڭ بايقاۋىنان بولەك, بايقاۋدان تىس باعدارلامادا جاپون جاڭا تولقىنىنىڭ فيلمدەرىنىڭ كورسەتىلىمى, اڭىزعا اينالعان Nikkatsu اتتى جاپون ستۋدياسىنىڭ ءفيلمدىرىنىڭ رەتروسپەكتيۆاسى, سونداي-اق «جاڭا تالانتتار», «دەرەكتى كينو» باعدارلامالارى بار.
انىقتاما:
ءوندىرىسى: ش.ايمانوۆ اتىنداعى «قازاقفيلم»
جانرى: دراما
حرونومەتراجى: 110 مينۋت
رەجيسسيورى: ءادىلحان ەرجانوۆ
پروديۋسەرى: سەرىك ابىشەۆ
ستسەناريىن جازعان: ءادىلحان ەرجانوۆ
وپەراتورى: ەدىگە نەسىپبەكوۆ
رولدەردە: بايمۇرات جۇمانوۆ, ءاليا زاينالوۆا, نۇربەك مۇكىشەۆ, كونستانتين كوزلوۆ, سالتانات ناۋرىز, ماقپال يسابەكوۆا
ءادىلحان ەرجانوۆ – ستسەناريست, كينورەجيسسەر. 71-ءشى كانن كينوفەستيۆالىنىڭ «ەرەكشە كوزقاراس» باعدارلاماسىنا قاتىسقان («الەمنىڭ مەيىرىمدى ەنجارلىعى», 2018). 40-شى ماسكەۋ حالىقارالىق كينوفەستيۆالىنىڭ قاتىسۋشىسى ء(«تۇن قۇدايى», 2018). 45-ءشى روتتەردامداعى حكف NETPAC قازىلار القاسىنىڭ يەگەرى («قاراتاس اۋىلىنداعى وبا», 2016), سونىمان قاتار, كوپتەگەن حالىقارالىق كينوفەستيۆالىنىڭ لاۋرەاتى جانە قاتىسۋشىسى. قازاقستان كينوسىنشىلار اسسوستسياتسياسىنىڭ تانۋى بويىنشا بىرنەشە رەت «ۇزدىك فيلم», «ۇزدىك رەجيسسەر» جانە «ۇزدىك ستسەناري» اتانعان.