2023 جىلعا جوسپارلانعان ساياحاتقا اتتاناتىن جولاۋشى 42 جاسار جاپوندىق ميللياردەر يۋساكۋ ماەزاۆا.
ايعا ساپار شەگەتىن العاشقى ءتۋريستىڭ اتىن SpaceX-ءتىڭ كوليفورنياداعى شتاب-پاتەرىندە جاريالادى. وعان دەيىن يلون مىرزا ءوز تۆيتتەر پاراقشاسىندا العاشقى ءتۋريستتىڭ جاپوندىق ەكەنىن ايتىپ وتكەن بولاتىن.
بۇل 1972 جىلدان بەرگى ادام جاساعان العاشقى ايعا ساياحات بولماق. دەگەنمەن, بارلىعى ءالى اياقتالماعان زىمىرانعا بايلانىستى. يلون ماسكتىڭ ءوزى دە زىمىراندى ساياحاتقا دەيىن ناقتى قۇراپ بولاتىنىنا سەنىمدى ەمەسىن دە بىلدىرگەن بولاتىن.
ۇشىرىلۋ سيستەماسى 2016 جىلى تانىتىلعان Big Falcon Rocket (BFR) زىمىرانى ادامزاتتىڭ عارىشقا ساپارىنا جول اشاتىن تاريحتاعى ماڭىزدى قادام بولماق.
وسىعان دەيىن ايعا 24 امەريكاندىق ساپار شەككەن. ولاردىڭ 12-ءسى اي بەتىنە قونعان, الايدا بۇل جولعى ساپار اي بەتىنە ەمەس ەركىن تراەكتورياداعى ساپار بولماق. جاپوندىق ميللياردەر وزىمەن بىرگە 6 سۋرەتشىنى دە الا كەتەتىنىن, ولاردىڭ قايتىپ كەلگەندەگى تۋىندىلارى باسقالارىن دا تىلسىم مەكەنگە ساياحاتقا شابىتتاندىرعانىن قالايتىنىن ايتتى.
دايىنداعان: سۆەتلانا كۋجاكۋلوۆا