تۇركىستان قالاسىندا ەلوردامىز استانا قالاسىنىڭ 20 جىلدىعىنا جəنە «Əزىرەت سۇلتان» مەملەكەتتىك تاريحي-مəدەني قورىق-مۋزەيىنىڭ 40 جىلدىق مەرەيتويىنا وراي مەكتەپ وقۋشىلارى اراسىندا ءدəستۇرلى XXII «ياساۋيتانۋ-2018» حالىقارالىق بايقاۋى ءوتتى, دەپ حابارلايدى «ازىرەت سۇلتان» قورىق-مۋزەيىنىڭ ءباسپاسوز قىزمەتى.
جيىرما ەكى جىلدىق تاريحى بار «ياساۋيتانۋ» بايقاۋىنا بيىل ەلىمىزدىڭ استانا, الماتى, شىمكەنت قالالارى مەن اقمولا وبلىسى, الماتى وبلىسى, اقتوبە وبلىسى, قاراعاندى وبلىسى, قوستاناي وبلىسى, قىزىلوردا وبلىسى, شىعىس قازاقستان وبلىسى, تۇركىستان وبلىسى جانە تۇركىستان قالاسى جانە وزبەكستان, تۇركيا, قىرعىزستان رەسپۋبليكالارىنان 41 وقۋشى قاتىسىپ باق سىنادى.
"ازىرەت سۇلتان" مەملەكەتتىك تاريحي-مادەني قورىق-مۋزەيى ۇيىمداستىرعان ءبىلىم جانە ونەر سايىسىنىڭ ماقساتى - قوجا احمەت ءياساۋيدىڭ رۋحاني مۇراسى مەن ءىلىمىن, «ازىرەت سۇلتان» كەسەنەسىنە جەرلەنگەن دارا تۇلعالاردىڭ ەلى ءۇشىن اتقارعان ەڭبەكتەرىن, سونداي-اق, تۇركىستان قالاسىنىڭ تاريحىن, ءامىر تەمىر داۋىرىنەن قالعان قۇندى ورتاعاسىرلىق جادىگەرلەردى جانە مۋزەي ءىسىن ناسيحاتتاۋ.
سايىسقا قاتىسۋشىلاردىڭ ءبىلىمىن «Əزىرەت سۇلتان» مەملەكەتتىك تاريحي-مəدەني قورىق-مۋزەيىنىڭ ديرەكتورى ورىنباسرى سەرىك ۇركىمباەۆ, «Əزىرەت سۇلتان» قورىق-مۋزەيىنىڭ باس رەداكتورى Əبدىكەرىم ماناپوۆ, ق.ا.ياساۋي اتىنداعى حالىقارالىق قازاق- تۇرىك ۋنيۆەرسيتەتىنىڭ پروفەسسورى تەولوگ, فيلوسوفيا عىلىمدارىنىڭ دوكتورى دوساي كەنجەتاي, ق.ا.ياساۋي اتىنداعى حالىقارالىق قازاق- تۇرىك ۋنيۆەرسيتەتىنىڭ پروفەسسورى, ءدىنتانۋشى زىكىريا جانداربەك, «Əزىرەت سۇلتان» قورىق-مۋزەيىنىڭ باس قور ساقتاۋشىسى نۇرجامال Əشىربەكوۆا ساراپقا سالدى.
ءبىرىنشى كەزەڭدە حيكمەتتەردى ەش مۇدىرمەي جاتقا ايتۋدان سىنعا تۇسكەن ۇمىتكەرلەر دارىندىلىقتىڭ ەرەن ۇلگىسىن كورسەتتى. ەكىنشى كەزەڭدە قازاق حاندىعىنىڭ تاريحىنا, قوجا احمەت ياساۋي بابامىزعا, «ازىرەت سۇلتان» مۋزەيىنە قاراستى تاريحي ەسكەرتكىشتەر مەن جادىگەرلەرگە قاتىستى سۇراقتارعا جاۋاپ بەردى.
بايقاۋىمىزعا قاتىسقان قىرعىزستان, تۇركيا, وزبەكستان ەلدەرىنەن كەلگەن وقۋشىلارعا جانە قازاقستاننىڭ تۇكپىر تۇكپىرىنەن كەلگەن سايىسكەرلەر مەن شاكىرت تاربيەلەگەن ۇستازدارعا قورىق-مۋزەي اكىمشىلىگى تاراپىنان العىس حاتتار مەن باعالى سىيلىقتار تابىستالدى.
قازاق حالقىنىڭ رۋحاني تۇتاستىعىن قالىپتاستىرعان, تۇركى حالىقتارىنىڭ رۋحاني ۇستازى قوجا احمەت ياساۋي بابامىزدىڭ حيكمەتتەرى مەن ءىلىمىن ناسيحاتتاپ, وسكەلەڭ ۇرپاقتى ۇلى بابا مۇراسىن تەرەڭ مەڭگەرىپ, زەرتتەۋگە ىنتالاندىرىپ, جاس وركەننىڭ ينتەللەكتۋالدىق پايىم-پاراساتىن ارتتىراتىن بۇل بايقاۋ ءالى دە ءوزىنىڭ جالعاسىن تابادى.