«الماتى تۋرى» ۆەلوجارىسىنىڭ سوڭعى ءتورت ماۋسىمى «استانا» كومانداسىنىڭ كوشباسشىسى الەكسەي لۋتسەنكونىڭ ەسىمىمەن قاتار اتالىپ ءجۇر. بۇل, ارينە, تاڭقالدىراتىن دۇنيە ەمەس. سەبەبى شاباندوز قىزۋ باسەكەلەستىك جاعدايىندا سۋىرىلىپ شىعىپ, قاتارىنان ءتورت مارتە چەمپيون اتاندى.
- الەكسەي, ءبىرىنشى ءداستۇرلى سۇراعىمىز – ماۋسىم اياقتالۋعا تاياۋ.ء وزىڭىز ۇشىن قالاي باعالايسىز؟
- بيىل سپورتتىق وقيعاعا قانىق جىل بولدى: ازيا ويىندارى, فۋتبولدان الەم چەمپيوناتى. بۇل جونىندە جانكۇيەرلەرگە قىزىعا قارايسىڭ. وسىنداي ايتۋلى شارالاردىڭ ارقاسىندا ۋاقىت جىلدام وتە شىققان سياقتى. ال مەن ءۇشىن جىل ءالى اياقتالا قويعان جوق. قازىر مەن يتاليادا الەم چەمپيوناتىنا دايىندالۋ ۇستىندەمىن. بۇل جىل مەن ءۇشىن ءساتتى باستالدى. ومانداعى ءبىرىنشى جارىسىمدا-اق جەڭدىم. ودان كەيىن قازاقستان چەمپيوناتى, «اۋستريا تۋرى» جانە بۇل جەردە ايتا كەتۋ كەرەك, نەگىزگى ماقساتىم ازيا ويىندارى بولاتىن. دىتتەگەنىمە قول جەتكىزدىم. يندونەزيادا ەكى التىن مەدال الدىق. الدىدا ءالى الەم چەمپيوناتى, ءاردايىم ۇلكەن جاۋاپكەرشىلىكپەن قارايتىن "الماتى تۋرى" بار. سوسىن اقىرعى جارىس. قازىر «استانانىڭ» باسشىلىعىمەن «تۇركيا تۋرى» مەن «قىتاي تۋرىنا» دايىندالىپ جاتىرمىز.
- «الماتى تۋرى» ءسىز ءۇشىن نەسىمەن باعالى؟ ءسىز نەگە مۇندا ۇمتىلاسىز؟ جارىستىڭ قيىندىعى نەدە؟ ازيانىڭ باستى كاسىبي جارىسى اتاعىن الۋ ءۇشىن نە جەتپەيدى دەپ ويلايسىز؟
- «الماتى تۋرى» - التىنشى رەت ۇيىمداستىرىلىپ جاتقان قازاقستانداعى العاشقى كاسىبي ۆەلوجارىس. ۇيدەگى جارىستارعا مەن ەرەكشە سەزىممەن قارايمىن. بىرىنشىدەن, مەن كوماندا ديرەكتورلارى جارىستى مەنىڭ كۇنتىزبەمە كىرگىزگەنىنە قۋانىشتىمىن. مۇندا مەندە ارقاشان ۇلكەن ماقساتتار بار.
جارىس تاۋلى-قىراتىمەن, اسەم الماتىدا ءوتىپ جاتقاندىعىمەن كۇشتى. ەگەر بۇل جولى اۋا-رايى ابدەن قولايلى بولسا, الەم ونىڭ كورىكتى پەيزاجدارىمەن سۇيسىنەدى. مەن كوپتەگەن شەتەلدىك شاباندوزدارمەن ارالاسىپ تۇرامىن. بەس جىل ىشىندە كەلگەندەردىڭ بارلىعى «الماتى تۋرى» قاي جاعىنان الىپ قاراما ۇنايتىنىن ايتادى. قيىندىعى, ۇيىمداستىرۋ جاعى, جانكۇيەرلەر جاعى بولسىن...
قيىندىعى جاعىنان وڭاي ەمەس. اسىرەسە, مارە سىزىعىنداعى مەدەۋگە دەيىنگى ەكىنشى كەزەڭ. وندا شىنىمەن بارىڭدى سالۋىڭ كەرەك.
نە جەتپەيدى دەيسىز بە؟ جۇلدىزدى قۇرامدى شاقىرۋ كەرەك. بيىل الەم چەمپيوناتىنا دايىندىق ءجۇرىپ جاتقاندىقتان كوپتەگەن توپ سپورتشىلار «الماتى تۋرىن» جىبەرەتىن شىعار. ءبىر جاعىنان مەن ەندى عانا كۇش الىپ كەلە جاتقان جارىستىڭ بىردەن ماۋسىم رەيتينگىسىنىڭ كۇنتىزبەسىنەن ويىپ تۇرىپ ورىن الۋ وڭاي شارۋا ەمەس ەكەندىگىن بىلەم. الايدا ول ءۇشىن بارلىق ءتيىستى جۇمىستار جاسالىپ جاتىر دەگەن ەستۋىم بار. جالپى, قازاقستاندىق رەتىندە مەن الماتى تۋرى جارىسىنىڭ مارتەبەسىنىڭ جوعارى دەڭگەيدە بولۋى ءۇشىن مۇمكىندىگىنشە ايتۋلى كاسىبي كوماندالاردىڭ كەلگەندەرىن قالايمىن. جارىستى ەكى كۇندىك ەمەس, كوپ كۇندىك جەتى كۇن ەتىپ جاساسا مىقتى بولار ما ەدى.