مەملەكەت باسشىسى «قازاتومونەركاسىپ» ۇلتتىق اتوم كومپانياسى» اكتسيونەرلىك قوعامى باسقارماسىنىڭ توراعاسى عالىمجان ءپىرماتوۆتى قابىلدادى, دەپ حابارلايدى اقوردانىڭ ءباسپاسوز قىزمەتى.
نۇرسۇلتان نازارباەۆ قازاقستانداعى ءىرى ۇلتتىق كومپانيالاردىڭ ءبىرى سانالاتىن «قازاتومونەركاسىپ» كومپانياسى الەمدىك اتوم ونەركاسىبى سالاسىندا ماڭىزدى ورىن الاتىنىن اتاپ ءوتتى.
«قازاتومونەركاسىپ» ۇلتتىق اتوم كومپانياسى» اكتسيونەرلىك قوعامى باسقارماسىنىڭ توراعاسى قازاقستان پرەزيدەنتىنە كومپانيا جۇمىسىنىڭ نەگىزگى قورىتىندىلارى مەن پەرسپەكتيۆالارى جونىندە باياندادى.
– ءبىز الەمدىك اتوم سالاسىنداعى جاعدايدى مۇقيات سارالاپ, دامۋدىڭ جاڭا ستراتەگياسىن قابىلدادىق. 2017 جىلى جانە بيىلعى 8 ايدا كومپانيا وندىرىستىك جانە قارجىلىق جوسپارلارىنىڭ ءبارىن ورىندادى. وسى جىلى تولەنەتىن ديۆيدەنتتەر بىلتىرعى جىلمەن سالىستىرعاندا 2 ەسە ارتادى دەپ بولجاپ وتىرمىز, – دەدى ع.ءپىرماتوۆ.
«قازاتومونەركاسىپ» كومپانياسى باسشىسىنىڭ مالىمەتىنە سايكەس بيىل ۋران ساتۋ كولەمى سوڭعى ءۇش جىلداعى ورتاشا كورسەتكىشتەن جوعارى بولماق. ناتيجەسىندە كومپانيا الەمدىك نارىقتا ءوندىرىس اۋقىمى جاعىنان عانا ەمەس, سونداي-اق ساتۋ كولەمى جونىنەن دە ءىرى كاسىپورىنعا اينالادى.
كەزدەسۋ سوڭىندا مەملەكەت باسشىسى بىرقاتار ناقتى تاپسىرما بەردى.