بۇعان دەيىن بىرىڭعاي جيناقتاۋشى زەينەتاقى قورىنىڭ ينفلياتسياعا بايلانىستى سالىمشىلار مەن الۋشىلارعا 150 مىڭ تەڭگەدەن تولەپ جاتقاندىعى تۋرالى WhatsApp ارقىلى قاۋەسەت تاراعان بولاتىن.
وسىعان وراي بجزق ەلىمىزدە زەينەتاقى جيناقتارىنىڭ ساقتالۋىن قامتاماسىز ەتەتىن بىرەگەي مەملەكەتتىك كەپىلدىك مودەلى جۇمىس ىستەيتىندىگىن ەسكەر سالىپ وتىر. «قازاقستاندا زەينەتاقىمەن قامسىزداندىرۋ تۋرالى» قازاقستان رەسپۋبليكاسى زاڭىنىڭ 5-بابىنا سايكەس زەينەتاقى تولەمدەرىن الۋ قۇقىعى تۋىنداعان كەزدە مەملەكەت الۋشىنىڭ جيناقتاۋشى زەينەتاقى جۇيەسىنە قاتىسقان بۇكىل كەزەڭىندەگى ينفلياتسيا دەڭگەيىن ەسكەرە وتىرىپ, ونىڭ اتىنا بىرىڭعاي جيناقتاۋشى زەينەتاقى قورىنا اۋدارىلعان مiندەتتi زەينەتاقى جارنالارىنىڭ, مiندەتتi كاسىپتىك زەينەتاقى جارنالارىنىڭ ناقتى ەنگىزىلگەن مولشەرىندە ساقتالۋىنا كەپiلدiك بەرەتىندىگىن العا تارتۋدا.
ايىرما سوماسى (مەملەكەتتىك كەپىلدىك) – مەملەكەتتىك بيۋدجەت ەسەبىنەن بەرىلەتىن بىرجولعى وتەماقى. سالىمشىلار مەملەكەتتىك كەپىلدىك بويىنشا تولەم الۋ قۇقىعىنا زەينەتكەرلىك جاسقا تولعان كەزدە يە بولادى. بۇدان باسقا, مۇگەدەكتىگى مەرزىمسىز بولىپ بەلگىلەنگەن جاعدايدا ءى جانە ءىى توپتارداعى مۇگەدەكتىگى بار جاندار, قازاقستاننان تىس جەرلەرگە تۇراقتى تۇرۋعا كەتكەن شەتەلدىكتەر مەن ازاماتتىعى جوق ادامدار مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى ەسەبىنەن ايىرما سوماسىن الۋعا قۇقىلى. سونىمەن قاتار مەملەكەت كەپىلدىگى بويىنشا تولەم الۋعا قۇقىلى ازامات قايتىس بولعان جاعدايدا, ونىڭ مۇراگەرلەرى دە ايىرما سوماسىن الا الادتىندىعى تۋرالى تۇسىنىكتەمە تاراتتى.
مەملەكەت كەپىلدىگى بويىنشا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ جەرگىلىكتى «الەۋمەتتىك تولەمدەردىڭ ۆەدومستۆوارالىق ەسەپتەۋ ورتالىعىنا» جۇگىنۋ كەرەك. مۇندا ارنايى ادىستەمە بويىنشا سالىمشىنىڭ زەينەتاقى جيناقتارىنىڭ سوماسى ونىڭ جيناقتاۋشى زەينەتاقى جۇيەسىنە قاتىسقان بۇكىل كەزەڭىندەگى ينفلياتسيانى ەسكەرە وتىرىپ ەسەپتەلەدى جانە ەنگىزىلگەن جارنالاردىڭ سوماسىمەن سالىستىرىلادى. ەگەر جيناقتارىنىڭ تابىستىلىعى ينفلياتسيادان تومەن بولسا, ايىرما سوماسى بىرجولعى وتەماقى رەتىندە الۋشىنىڭ بانك شوتىنا اۋدارىلادى.
قور بارلىق سالىمشىلار مەن الۋشىلاردى الەۋمەتتىك جەلىلەر ارقىلى تاراتىلاتىن ءار ءتۇرلى حابارلامالارعا سىن كوزبەن قاراپ, تەك رەسمي اقپارات كوزىنەن الىنعان اقپاراتتارعا عانا سەنۋ كەرەكتىگىن ەسكەرتەدى.
ايناش ەسالي,
«ەگەمەن قازاقستان».
الماتى