ورتالىق كوممۋنيكاتسيالار قىزمەتىندە تۇرعىن ۇيگە ارنالعان مەملەكەتتىك باعدارلامالاردىڭ ىسكە اسىرىلۋىنا ارنالعان ءباسپاسوز كونفەرەنتسياسى ءوتتى.
«نۇرلى جەر» مەملەكەتتىك باعدارلاماسىنىڭ ىسكە اسىرىلۋى مەن «7-20-25» حالىققا جەڭىلدەتىلگەن نەسيە بەرۋ باعدارلاماسىنىڭ ىسكە قوسىلۋىنا بايلانىستى تۇرعىن ءۇي قۇرىلىسىنا سالىنعان ينۆەستيتسيانىڭ ءوسىمى بايقالىپ وتىر. 2018 جىلدىڭ 8 ايىنىڭ قورىتىندىسى بويىنشا 702 ملرد. تەڭگەگە جۋىق ينۆەستيتسيا تارتىلدى. ول وتكەن جىلداعى دەڭگەيدەن 31%-عا ارتىق. بيىل 7,7 ملن. شارشى مەتر تۇرعىن ءۇي پايدالانۋعا بەرىلدى, بۇل 2017 جىلدىڭ سايكەس كەزەڭىمەن سالىستىرعاندا 112%-عا ارتىپ وتىرعانىن ايتتى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا قر ينۆەستيتسيالار جانە دامۋ ءمينيسترى جەڭىس قاسىمبەك.
«رەسپۋبليكا بويىنشا بارلىعى 67 مىڭنان استام باسپانا پايدالانۋعا بەرىلدى, ونىڭ ىشىندە 27 مىڭعا جۋىق جەكە ءۇي بار. جوسپار جىل سوڭىنا دەيىن تولىق كولەمدە ورىندالاتىن بولادى (جوسپار 12,1 ملن. ش. م). ايتا كەتەتىن ءبىر جايت, بۇرىن جەكە تۇرعىن ءۇي سالۋ قۇرىلىسى باسىم بولسا, قازىر كوپقاباتتى ۇيلەردىڭ كولەمى ارتتى»,-دەپ مالىمدەدى جەڭىس قاسىمبەك.
باسپانا ساتىپ الۋعا مۇمكىندىكتەرى جوق حالىقتىڭ الەۋمەتتىك ءالسىز توپتارى ءۇشىن جىل سايىن ساتىپ الۋ قۇقىعىنسىز ارەندالىق 3 مىڭ پاتەر سالىنادى.
«باعدارلامادا 2 جىل ىشىندە بارلىعى 6182 ارەندالىق پاتەردى (331,0 مىڭ ش. م) پايدالانۋعا بەرۋ جوسپارلانعان. بيىلعى جىلدىڭ 8 ايىنداعى 922 پاتەردى (49,6 مىڭ. ش. م) قوسقاندا بۇگىنگى كۇنى 3542 پاتەر سالىندى (196,2 مىڭ ش. م). الەۋمەتتىك تۇرعىن ءۇيدىڭ 1 شارشى مەترىن جالداۋ تولەم اقىسى شامامەن 100 تەڭگەنى قۇرايدى», - دەپ اتاپ ءوتتى مينيستر.
2 جىلعا جۋىق ۋاقىتتا اكىمدىكتە كەزەكتە تۇرعان ازاماتتار (تۇراقتى تابىستارى بار مۇعالىمدەر, دارىگەرلەر, مەملەكەتتىك قىزمەتكەرلەر) مەن تۇرعىن ءۇي قۇرىلىس جيناق جۇيەسى سالىمشىلارى ءۇشىن بيىلعى 8 ايدا تاپسىرىلعان 1970 پاتەردى قوسقاندا 18,5 مىڭ كرەديتتىك پاتەر پايدالانۋعا بەرىلدى.
«نۇرلى جەر» باعدارلاماسى اياسىندا بيىلدان باستاپ جىل سايىن 40 مىڭ ۋچاسكەگە ينفراقۇرىلىم جەلىلەرىن تارتۋدى جوسپارلانىپ وتىر. 14 وبلىس ورتالىعىندا ءبىر شارشى مەترىنىڭ قۇنى 120 مىڭ تەڭگەنى قۇرايتىن بىرىڭعاي ساۋلەتتىك ستيلدە پيلوتتىق جوبالاردى ىسكە اسىرۋ جالعاستىرىلۋدا.
«باسپانا» يپوتەكالىق ۇيىمىنىڭ دەرەگى بويىنشا, باعدارلاما ىسكە قوسىلعاننان بەرگى 2 ايدا حالىقتان قاتىسۋشى-بانكتەرگە يپوتەكا الۋعا 2562 ءوتىنىش تۇسكەن. بۇگىنگى تاڭدا جالپى سوماسى 20,0 ملرد. تەڭگەگە 1695 يپوتەكالىق قارىز بەرۋ قولداۋ تاپتى. قالعان وتىنىشتەر ەكىنشى دەڭگەيلى بانكتەردىڭ قاراۋىندا جاتىر.