اقشا ايىرباستاۋ پۋنكتتەرىندە ءبىر دوللار 380 تەڭگەگە ساتىلىپ جاتىر.
KASE قور بيرجاسىنىڭ كەشەگى باعامى بويىنشا ۇلتتىق ۆاليۋتانىڭ دوللارعا شاققانداعى باعامى 372 تەڭگەنى قۇراعان. Brent ماركالى مۇناي باعاسى باررەلىنە 76,42 دوللار بولدى.
قارجىگەر ءىلياس يساەۆتىڭ ايتۋىنشا, تەڭگەنىڭ سينحروندى تۇردە قۇنسىزدانۋى قالىپتى نارسە.
قازاقستاننىڭ ساۋدا-ساتتىق سالاسىنداعى باستى ارىپتەسى - رەسەي. شەت مەملەكەتتەردەن ەلىمىزگە تاسىمالداناتىن تاۋارلاردىڭ 30 پروتسەنتتەن استامى وسى ەلدىڭ ۇلەسىندە. ەكىنشى ورىندا – قىتاي, ودان كەيىنگى ورىن ەۋروپا ەلدەرى مەن اقش-قا تيەسىلى. باستى ارىپتەسىمىزدىڭ ۆاليۋتاسى قۇنسىزدانعان كەزدە ءبىزدىڭ تەڭگەمىزدىڭ دە سينحروندى تۇردە قۇنسىزدانۋى قالىپتى نارسە. ولاي بولماعان جاعدايدا ەكى ەلدىڭ اراسىنداعى يمپورتتىق-ەكسپورتتىق پاريتەت بۇزىلادى. ساۋداداعى پاريتەت بۇزىلسا, ءبىز ۇتىلامىز.