ماناش قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە «Qyzyljar» اتتى ستۋدەنتتەرگە قىزمەت كورسەتۋ ورتالىعى ءوز جۇمىسىن باستادى.
يگى شارا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى وبلىستىق دەپارتامەنتى مەن ۋنيۆەرسيتەتتىڭ بىرلەسۋىمەن جۇزەگە اسىرىلدى. دەپارتامەنتتىڭ باسشىسى ستەپانەنكو قۇتتىقتاۋ سوزىندە قۇرىلىم ءبىر تەرەزە قاعيداتى بويىنشا جۇمىس ىستەيتىنىن, ەلەكتروندىق قىزمەتتەرگە باسىمدىق بەرىلەتىنىن اتاپ ءوتتتى. مۇندا قابىلداۋ جانە دايىن قۇجاتتاردى بەرۋ تەرەزەلەرى, ءوز-وزىنە قىزمەت كورسەتۋ بۇرىشى ورنالاسقان. پراكتيكالىق جانە ادىستەمەلىك كومەكتەر كورسەتىلەدى. بارلىق جۇمىس پروتسەسى بارىنشا وڭتايلاندىرىلىپ, ستۋدەنتتەر ءۇشىن ۋاقىت ۇنەمدەۋگە, قاعاز قۇجاتتارىن قىسقارتۋعا, قىزمەت ساپاسىن ارتتىرۋعا مۇمكىندىكتەر قاراستىرىلعان.
سالتاناتتى راسىمگە قاتىسۋشىلار مەملەكەتتىك قىزمەت كورسەتۋ راسىمدەرىن جەتىلدىرۋ, جاستاردىڭ ازاماتتىق ۇستانىمىن قالىپتاستىرۋ ماسەلەلەرى توڭىرەگىندە وي-پىكىرلەر الماسىپ, ەلەكتروندى قىزمەتتەردى جالپىعا تانىمال ەتۋگە ىقپال جاسايتىن كونكۋرستار مەن ءىس-شارالاردى جۇيەلى وتكىزۋدىڭ جولدارىن ورتاعا سالدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى