قازىرگى زامانعى مەديتسينا ناۋقاستىڭ ورگاندارىنىڭ جازىلمايتىن اۋرۋلارىن ەمدەۋگە بولاتىن دەڭگەيگە جەتتى. ترانسپلانتاتسيالاۋدىڭ جەتىستىگى وسى وپەراتسيادان وتكەن ادامنىڭ دەنساۋلىعى مەن ءومىر ساپاسىن تولىق قالپىنا كەلتىرۋ مۇمكىندىگىن دالەلدەيدى, دەپ حابارلايدى اقتوبە وبلىسى اكىمىنىڭ ءباسپاسوز قىزمەتى.
2014 جىلدان باستاپ اقتوبە وبلىسىندا ورگانداردى ترانسپلانتاتسيالاۋ باعدارلاماسى تابىستى ورىندالۋدا. وسى ۋاقىت ىشىندە ورگاندى ترانسپلانتاتسيالاۋدىڭ بارلىق ماسەلەلەرى بويىنشا حالىققا كومەك كورسەتەتىن بارلىق قىزمەت قۇرىلدى. اقتوبە مەديتسينالىق كلاستەرى بازاسىندا بۇيرەكتى ترانسپلانتاتسيالاۋ بويىنشا وزدىگىنشە وپەراتسيالار قازىرگى زامانعى بارلىق ستاندارتتارعا سايكەس كەلەدى. كوپ جاعدايدا ناۋقاستىڭ تۋىستارى دونور بولىپ تابىلادى.
جاقىندا اقتوبەدە بۇيرەك ترانسپلانتاتسيالاۋدىڭ كەزەكتى وپەراتسياسى جۇرگىزىلىپ, وندا ناۋقاستىڭ ءوز قارىنداسى دونور بولدى, وسىلايشا ول اعاسىنا ەكىنشى ءومىر سىيلادى. بۇل اقتوبە جەرىندەگى ەلۋىنشى مەرەيتويلىق وپەراتسيا بولعاندىقتان دارىگەرلەردىڭ ارنايى ەسەبىنە الىندى. سوڭعى جىلدارى اقتوبە دارىگەرلەرى بۇيرەكتى ترانسپلانتاتسيالاۋ بويىنشا 38 وپەراتسيا, باۋىردى ترانسپلانتاتسيالاۋ بويىنشا 12 وپەراتسيا جاسادى.
اقتوبە مەديتسينالىق كلاستەرى ترانسپلانتاتسيالاۋدى ودان ءارى دامىتۋ بويىنشا بەلسەندى جۇمىس جاساۋدا. باستى ماقسات - بۇكىل باتىس ءوڭىرىنىڭ تۇرعىندارى ءۇشىن ورگانداردى ترانسپلانتاتسيالاۋدى جۇزەگە اسىرۋ, وسىلايشا رەسپۋبليكامىزدىڭ تۇرعىندارىنىڭ دەنساۋلىعىن جاقسارتۋ.