الماتىدا «تري بوگاتىريا» تۇرعىن ءۇي كەشەنىنىڭ استىڭعى قاباتىندا قوقىس سالاتىن جاشىك ورتەنىپ, 20 ادام قاۋىپسىز جەرگە شىعارىلدى. ونىڭ 12-ءسى - بالا, دەپ حابارلايدى قر ءىىم تجك ءباسپاسوز قىزمەتى.
«2 قىركۇيەك كۇنى 18:25-تە مەدەۋ اۋدانىندا ورنالاسقان 12 قاباتتى «تري بوگاتىريا» تۇرعىن ءۇي كەشەنىنىڭ استىڭعى قاباتىندا 10 شارشى مەتر اۋماقتى قۇرايتىن اعاش جاشىك (قوقىس سالاتىن) ورتەنىپ, 20 ادام قاۋىپسىز جەرگە كوشىرىلدى. ونىڭ 12-ءى - بالا. ءورت 19:10-دا تولىقتاي ءسوندىرىلدى. جاپا شەككەندەر جوق», دەلىنگەن حابارلامادا. قازىر ءورتتىڭ نەدەن شىققانى انىقتالىپ جاتىر.