بيىل اقمولا وڭىرىندە ءشوپ بىتىك شىقتى. ەرتە كوكتەمدەگى قوڭىر سالقىننان بوي كوتەرە الماي بۋلىعىپ تۇرعان جاسىل شالعىن شىلدەنىڭ سوڭىندا ءدۇر ەتە ءتۇستى. قاپىسىز قامدانعان پىشەنشىلەر ءبىر جىلدىق ءشوپ قورىن جيناپ الدى.
وبلىس بويىنشا 1104,1 مىڭ توننا ءشوپ جيناۋ جوسپارلانسا, قازىردىڭ وزىندە 1122,7 مىڭ توننا ءشوپ دايىندالىپ, مايالاندى. بۇل – قولدا بار مال ءۇشىن قاجەتتى ءبىر جىلدىق جەمشوپ قورىنىڭ 101,7 پروتسەنتى ازىرلەنگەنىن كورسەتەدى. وبلىستىق اۋىل شارۋاشىلىعى باسقارماسىنىڭ ءبولىم باسشىسى سەرىك شايكوزوۆتىڭ ايتۋىنا قاراعاندا, ءوڭىردىڭ بارلىق سيپاتتاعى شارۋاشىلىقتارىندا 525,7 مىڭ باس ءىرى قارا قىستاتىل- ماق.
توسكەيى مالعا تولعان ەرەيمەنتاۋ اۋدانىنىڭ پىشەنشىلەرى مەجەلەگەن جوسپاردى ورىنداپ, 122 مىڭ توننا ءشوپتى مايالاپ الدى. اۋدان پىشەنشىلەرى بيىل ءشوپتىڭ ىڭعايىنا قاراي قاپىسىز قام جاساپ, 152 مىڭ تونناعا جەتكىزبەك. ايتالىق ولجاباي باتىر اۋىلدىق وكرۋگى 12,5 مىڭ توننا ءشوپ دايىنداۋدى جوسپارلاعان بولاتىن, قازىردىڭ وزىندە بۇل كورسەتكىش 16,4 مىڭ تونناعا جەتتى. وسى اۋىلدىق وكرۋگتەگى «گەيا», «نۇر», «المات» شارۋا قوجالىقتارى قىستاق باسىنا قاجەتتى جەمشوپ قورىن جەتكىزىپ الدى. مايا سانى كۇن سايىن كوبەيىپ كەلەدى. زەرەندىلىكتەر دە تابيعاتتىڭ جومارتتىق تانىتقان بيىلعى ءساتىن پايدالانىپ قالماق. ءشوپ دايىنداۋ بارىسىندا تسەلينوگراد, اتباسار, ءبىرجان سال اۋداندارى كوش باستاپ كەلەدى. ارقانىڭ اق بورانى قاتال سىنشى. اتان تۇيەنى الىپ جىعاتىن بورانى, ۇسكىرىك ايازى قاتتى وڭىردە تىڭعىلىقتى دايىندىق جاساماسا تاعى بولمايدى. ەندى اقمولالىق پىشەنشىلەر ءبىر جارىم جىلدىق جەمشوپ قورىن جاساۋعا ۇمتىلۋدا.
بايقال ءبايادىل,
«ەگەمەن قازاقستان»
اقمولا وبلىسى