استانا اكىمى اسەت يسەكەشەۆ پەن قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ جۇمىس بابىمەن استاناداعى Ikomek جەدەل əرەكەت ورتالىعىنا باردى.
Ikomek ورتالىعى ارقىلى الەۋمەت جاعدايى ءجىتى باقىلاۋدا تۇر. مۇندا تۇرعىنداردىڭ وتىنىشتەرى قابىلدانىپ, كوممۋنالدىق جəنە جەدەل قىزمەتتەردىڭ جۇمىسى ۇيلەستىرىلەدى. دەرەكتەرگە سايكەس 109 بىرىڭعاي بايلانىس ورتالىعىنا 2018 جىلدىڭ 8 ايىندا 461 مىڭنان استام ءوتىنىش كەلىپ ءتۇسىپ, 77% شەشىلگەن.
«كەز كەلگەن شاعىم تۇرلەرى تەز ارادا نازارعا الىنادى. الەۋمەتتىك جەلىلەر əر 10 مينۋت سايىن قارالىپ تۇرادى. 109-عا كوشەدە شىلىمنىڭ قالدىعىن تاستاۋدان باستاپ, ەلەكتر قۋاتى ءسونىپ قالعان جاعدايدا وپەراتيۆتى تۇردە جۇمىس كومانداسىن باعىتتاۋعا دەيىنگى بارلىق باقىلاۋ, جەدەل əرەكەت ەتۋ قىزمەت تۇرلەرى كىرەدى. Ikomek بەينەباقىلاۋ ارقىلى قالانىڭ بارلىق اۋدانىندا, كوشەنىڭ بۇرىش-بۇرىشىندا كىم نە ىستەپ جاتىر - ءبəرى كوز الدىمىزدا», دەدى استانا قالاسىنىڭ اكىمى.
Ikomek ارقىلى سونىمەن قاتار قالاداعى جول قوزعالىسى دا باقىلانادى.
«تاۋلىك بويى باقىلاۋدىڭ ارقاسىندا ءبىز بۇگىندە قالانىڭ قاي كوشەلەرىندە ءجيى جول ەرەجەسى بۇزىلاتىنىن ءبىلىپ وتىرمىز, سول بويىنشا ءتيىستى شارالار قابىلدانۋدا», دەدى اسەت يسەكەشەۆ.
Ikomek ورتالىعىندا قالانى قاداعالايتىن 4422 بەينەباقىلاۋ كامەراسى ورنالاسقان. سول سياقتى ورتالىقتا ىشكى ىستەر دەپارتامەنتىنىڭ قىزمەتكەرلەرى جۇمىس ىستەيدى. ءىىد ءوزارا əرەكەتتەسۋ نəتيجەسىندە ۇستىمىزدەگى جىلدىڭ باسىنان بەرى 1297 ءوتىنىش كەلىپ ءتۇسىپ, ونىڭ 1189-ى وڭدەلدى.
«بۇگىنگە دەيىن ءجيى مازالاپ كەلگەن پروبلەمانىڭ ءبىرى - قۇدىقتاردىڭ قاقپاعىن ۇرلاۋ. بەينەباقىلاۋ مەن 109-عا حابارلاسۋ نəتيجەسىندە ۇرلىق تىيىلعان. تاعى ايتا كەتەتىن مəسەلە - قالا تۇرعىندارىنىڭ بەلسەندىلىگى. حالىق قالانىڭ كوشەلەرىنەن قانداي دا ءبىر شۇعىل جوندەۋ نەمەسە əرەكەت ەتۋ پروبلەمالارىن وزدەرى 109-عا حابارلاسىپ الادى. بۇل - حالىقتىڭ جانى اشيتىندىعىنىڭ بەلگىسى», دەدى ەلوردا باسشىسى.