ازيا ويىندارىندا قازاقستان قورجىنىنا كەزەكتى التىن ءتۇستى. دجيۋ-دجيتسۋدان 77 كەلىدە ەل نامىسىن قورعاعان رۋسلان يسرايلوۆ ازيادا چەمپيونى اتاندى دەپ حابارلايدى Olympic.kz.
يسرايلوۆ فينالدىق سىندا قىرعىزستاندىق نۇرسۇلتان الىمقۇلوۆتى جەڭدى.
"قازاقستان حالقىنىڭ ءۇمىتىن اقتاپ, التىن مەدال يەلەنگەنىپ ءۇشىن قۋانىشتىمىن. ءدال قازىرگى كوڭىل-كۇيىم كەرەمەت. ءالى چەمپيون اتانعانىمدى سەزىنە الار ەمەسپىن. ەكىنشى بەلدەسۋىمدە مەن الەم چەمپيونىن جەڭدىم. چەمپيوندى جەڭگەن سوڭ, بارلىق قارسىلاسقا كۇشىم جەتەتىنىنە سەندىم. بۇل جەڭىسىمدى بارشا قازاقستاندىقتارعا ارنايمىن", - دەيدى رۋسلان.
بۇل دجيۋ-دجيتسۋ شەبەرلەرى جەڭىپ العان ەكىنشى التىن. كەشە دارحان نورتاەۆ چەمپيوندىق اتاقتى يەلەنگەن ەدى.
سونداي-اق, 85 كەلىدەگى ا. گاۆريۋلوك قولا مەدال ءۇشىن كۇرەستە قىرعىز سپورتشىسىن جەڭدى.
فوتو: دانيار مايلىباەۆ, قازاقستان ۇوك ءباسپاسوز قىزمەتى