اقتاۋدا ماڭعىستاۋ وبلىسى پەداگوگيكالىق قىزمەتكەرلەرىنىڭ ء«تورتىنشى ونەركاسىپتىك رەۆوليۋتسيا جاعدايىنداعى ادامي كاپيتال» تاقىرىبىنداعى وبلىستىق تامىز كونفەرەنتسياسى ءوتتى.
كونفەرەنتسياعا قربجعم ءبىلىم سالاسىن باقىلاۋ كوميتەتى توراعاسىنىڭ ورىنباسارى ل.بولەباەۆا, «نزم» دببۇ وكىلدەرى, اۋداندىق, قالالىق ءبىلىم بولىمدەرىنىڭ باسشىلارى, ءبىلىم بەرۋ ۇيىمدارىنىڭ باسشىلارى, وبلىس پەداگوگتارى, ارداگەر-ۇستازدار بارلىعى, ءبىلىم سالاسىنداعى وزەكتى ماسەلەلەر مەن جەتىستىكتەردى سارالاۋعا جانە جاڭا وقۋ جىلىنا ارنالعان مىندەتتەردى ايقىنداۋعا بارلىعى ءتورت جۇزدەن استام ادام قاتىستى.
وبلىستا 271 مەكتەپكە دەيىنگى ۇيىم, 143 مەكتەپ, تجكب 27 ۇيىمى, قوسىمشا ءبىلىم بەرۋ ۇيىمدارى 15 جۇمىس ىستەيدى. وبلىستا جىل سايىن ورتا ەسەپپەن 20-23 بالاباقشا اشىلىپ, 3-6 جاستاعى بالانىڭ 93% مەكتەپكە دەيىنگى تاربيەمەن قامتىلدى. جىل سوڭىنا دەيىن قامتۋ كورسەتكىشى 97% بولادى. 1 قىركۇيەكتە 134 129 وقۋشى مەكتەپكە بارادى, ونىڭ ىشىندە ءبىرىنشى سىنىپ وقۋشىلارىنىڭ كونتينگەنتى 16600 وقۋشىنى قۇرايدى. جاڭا وقۋ جىلىنىڭ باسىندا كۇتىلەتىن جەلى سانى – 143 مەملەكەتتىك جانە 5 جەكەمەنشىك مەكتەپ. بيىل وبلىستا – 9 مەكتەپ اشىلدى.
اقتاۋ قالاسىنداعى جاڭادان اشىلعان № 29 مەكتەپ سمارت-مەكتەبىندە STEM-لابوراتوريا, سمارت-جىلىجاي, گالوگرافيكالىق اقپاراتتاندىرۋ بۇرىشتارى, چيپ ارقىلى وقۋشىلاردىڭ مەكتەپكە كەلىپ-كەتۋىن قاداعالاۋ جوبالارى ەنگىزىلدى. وسىنداي STEM-لابوراتوريا مەملەكەتتىك-جەكەشەلىك مەحانيزمى ارقىلى وبلىسىمىزدا 25 مەكتەپتە جۇمىس جاسايتىن بولادى. ماڭعىستاۋ پوليتەحنيكالىق كوللەدجىندە IT ماماندار, ينفورماتيكا ءپانى مۇعالىمدەرى مەن وقۋشىلارعا ارنالعان بىلىكتىلىك ارتتىرۋ كۋرستارى, ت.س. وتكىزىلەتىن ءىت-ورتالىق اشۋ جۇمىستارى باستالدى.
«اۋىل كوشباسشىلارى» جوباسىنىڭ ناتيجەسى بويىنشا 30 وقۋشى الماتى قالاسىنداعى جانە 70 وقۋشى اقتاۋ قالاسىندا تەڭىز جاعاسىنداعى ترەنينگتىك لاگەردە وقىپ, دەمالدى.
«كاسىپكەر بولامىن» جوباسى اياسىندا 85 مۇعالىم, 365 وقۋشى بيزنەس-ترەنەرلىككە وقىتىلىپ, ناتيجەسىندە جەڭىمپاز 150 بالا تەڭىز جاعالاۋىنداعى بيزنەس-لاگەردە ەلىمىزگە تانىمال كاسىپكەرلەر مەن بيزنەس-ترەنەرلەردەن ءدارىس الدى. وقۋشىلار مەن ستۋدەنتتەر اراسىندا ءبىلىم باسقارماسى مەن نازارباەۆ زياتكەرلىك مەكتەبىنىڭ بىرىگىپ وتكىزگەن «كاسپيان ستارتاپ-2018», ەسەنوۆ ۋنيۆەرسيتەتىنىڭ «ستارتاپ بولاشاق» كونكۋرستارىنىڭ ناتيجەسىندە 28 جوبا قارجىلاندىرىلىپ, كاسىپكەرلەر تاراپىنان قولداۋ تاۋىپ, وسىنداي ستارتاپ جوبالاردىڭ كونكۋرسىن جىل سايىن وتكىزۋ جوسپارلاندى. اتاپ ايتساق, بىلتىر باستالعان «جاسىل مەكتەبىم-جاسىل مەكەنىم» جوباسى اياسىندا ءبىلىم بەرۋ ۇيىمدارىندا 25 جىلىجاي اشىلدى.
اقتاۋ قالاسىنداعى №21 مەكتەپتىڭ جانىنان ەۋروپالىق ستاندارتقا سايكەس فۋتبول الاڭى (46 ملن) سالىنىپ, «نامىس» بالالار فۋتبول كلۋبى قۇرىلۋىنا دەمەۋشىلىك جاساعان جەكە كاسىپكەر اپپاسوۆ انۋاربەك. قازىر كلۋبتا ەكى جۇزدەن اسا ءجاسوسپىرىم بار. مەكتەپ بازاسىنان فۋتبول اكادەمياسىن اشۋ جۇمىستارى جۇرگىزىلۋدە. قىركۇيەك ايىنان باستاپ جەرگىلىكتى بيۋدجەت ەسەبىنەن 22 بالانى قامتيتىن فۋتبول سىنىبى اشىلادى.
- جاستاردى عىلىمي-زەرتتەۋ جۇمىستارىنا باۋلۋ جانە وندىرىستىك-تەحنولوگيالىق ورتاعا كىرىستىرۋ – باستى مىندەتتەرىمىزدىڭ ءبىرى بولۋى ءتيىس. «تسيفرلىق قازاقستان» مەملەكەتتىك باعدارلاماسىن, ونىڭ ىشىندە ءبىلىم بەرۋ جۇيەسىن تسيفرلاندىرۋدى, سونىمەن قاتار IT جانە ينجينيرينگتىك قىزمەت داعدىلارىن دامىتۋدى جۇزەگە اسىرۋ قاجەت. ءبىلىم بەرۋ ۇيىمدارىنداعى ينتەرنەتتىڭ جىلدامدىعىن 4-10 مبيتتەن 60-100 مبيتكە دەيىن كوتەرۋ, ونى ساۋاتتى ءارى تولىققاندى پايدالانۋ تالاپ ەتىلەدى. سىنىپتاردى زاماناۋي ۇلگىدەگى كومپيۋتەرلەرمەن, LED ديسپلەيلەرمەن جابدىقتاۋ, روبوتەحنيكا قۇرالدارىنىڭ جاڭا مودەلدەرىمەن تولىقتىرۋ قاجەت. وسى ماقساتتا بيىل جەرگىلىكتى بيۋدجەتتەن كومپيۋتەر ساتىپ الۋعا 300 ملن. تەڭگە قارالدى. ءبىلىم بەرۋ جۇيەسىن دامىتۋعا, تۋعان جەردىڭ شىنايى وتانسۇيگىشتەرىن تاربيەلەۋگە قوسقان ۇلەستەرىڭىز ءۇشىن زور العىسىمدى بىلدىرە وتىرىپ, جاڭا وقۋ جىلىنىڭ باستالۋىمەن قۇتتىقتايمىن, دەدى وبلىس اكىمى ەرالى توعجانوۆ.
سونىمەن قاتار, ايماق باسشىسى ءبىلىم باسقارماسىنا, اۋدان, قالا اكىمدەرىنە بالانى ەرتە جاستان دامىتۋ, مەكتەپالدى دايارلىقتىڭ ساپاسىن ارتتىرۋ, بالاباقشالاردىڭ ماتەريالدىق-تەحنيكالىق بازاسىن نىعايتۋ, وقۋ-ادىستەمەلىك قۇرالداردى ساتىپ الۋ, ەڭ باستىسى - كادرلاردىڭ بىلىكتىلىگىن كوتەرۋ شارالارىن ۇيىمداستىرۋى بويىنشا تاپسىرما بەردى.
ءىس شارا بارىسىندا وبلىس اكىمىنىڭ العىس حاتىمەن – 9 پەداگوگ, «قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىسىمەن – 3 پەداگوگ, «ى. التىنسارين» توسبەلگىسىمەن – 4 پەداگوگ, قر ءبىلىم جانە عىلىم ءمينيسترىنىڭ قۇرمەت گراموتاسىمەن مەن العىس حاتتارىمەن – 15 پەداگوگ ماراپاتتالدى. سونىمەن قاتار, جىل سايىنعى ءۇردىس بويىنشا جالپى ءبىلىم بەرەتىن مەكتەپتەردىڭ قىزمەتىن باعالاۋ ماقساتىندا وتكىزىلەتىن «ورتا ءبىلىم بەرەتىن ۇزدىك ۇيىم» گرانتىن بەرۋ كونكۋرستىڭ جەڭىمپازىن ماراپاتتالدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى