بۇگىن ۇكىمەت ۇيىندە باقىتجان ساعىنتاەۆ «قازاقستاننىڭ شەتەلدىك ينۆەستورلار كەڭەسى» قاۋىمداستىعىنىڭ باسقارما مۇشەلەرىمەن كەزدەسۋ وتكىزدى, دەپ حابارلايدى قر پرەمەر-مينيسترلىگىنىڭ ءباسپاسوز قىزمەتى.
كەزدەسۋ بارىسىندا ەلىمىزدىڭ ينۆەستيتسيالىق تارتىمدىلىعىن ارتتىرۋ, بيزنەس احۋالىن جاقسارتۋ جانە سالىق ساياساتىن جەتىلدىرۋ ماسەلەلەرى تالقىلاندى. اتاپ ايتقاندا, قشيكق مۇشەلەرىنىڭ شەتەلدىك ينۆەستورلاردىڭ سالىق زاڭناماسىن بۇزۋىنا جاۋاپكەرشىلىكتەرىنە قاتىستى ۇسىنىستار قارالدى.
كۇن تارتىبىندە تالقىلانعان ماسەلەلەر بويىنشا قشيكق مۇشەلەرى: كەڭەستىڭ باسقارما توراعاسى, قر-داعى ەۋروپا قايتا قۇرۋ جانە دامۋ بانكىنىڭ باسشىسى ا. پرەيمانيس, شيك جۇمىس توبىنىڭ شەتەلدىك تاراپتان ينۆەستيتسيالىق ساياساتتى ىسكە اسىرۋ ماسەلەلەرى جونىندەگى تەڭ توراعاسى, «EY» كومپانياسىنىڭ قازاقستان جانە ورتالىق ازيا بويىنشا باسقارۋشى سەرىكتەسى ە. دوسىمبەكوۆ, ورتالىق ازيا ايماعى بويىنشا ENI اتقارۋشى ۆيتسە-پرەزيدەنتى ل. ۆينياتي, استانا ق. «قىتاي ۇلتتىق مۇناي-گاز كورپوراتسياسى» وكىلدىگىنىڭ ديرەكتورى ل. يۋنگحونگ, «PwC قازاقستان» كومپانياسىنىڭ سالىق جانە زاڭ قىزمەتتەرى دەپارتامەنتىنىڭ جەتەكشىسى م. احەرن, «شەلل قازاقستان» كومپانياسىنىڭ سىرتقى بايلانىستار جانە مەملەكەتتىك ورگاندارمەن ءوزارا ءىس-قيمىل جونىندەگى ديرەكتورى ز. باكەنوۆا ءسوز سويلەدى.
ەسكە سالا كەتەيىك, «قازاقستاننىڭ شەتەلدىك ينۆەستورلار كەڭەسى» قاۋىمداستىعى قازاقستان رەسپۋبليكاسىنىڭ پرەزيدەنتى جانىنداعى شەتەلدىك ينۆەستورلار كەڭەسىنىڭ (شيك) شەتەلدىك مۇشەلەرىنىڭ باستاماسى بويىنشا رەسمي حاتشىلىق جانە شەتەلدىك تاراپتان كەڭەستىڭ قىزمەتىن ۇيلەستىرۋشى رەتىندە قۇرىلعان. قاۋىمداستىق كەڭەستىڭ شەتەلدىك مۇشەلەرىنە تۇراقتى ۇيىمداستىرۋشىلىق, ۇيلەستىرۋ, اقپاراتتىق جانە تەحنيكالىق قولداۋ كورسەتەدى. قشيكق ءوز مۇشەلەرىنىڭ اتىنان قر ۇكىمەتىنىڭ, مەملەكەتتىك قۇرىلىمداردىڭ, شەتەلدىك كومپانيالاردىڭ, ديپلوماتيالىق كورپۋستىڭ, بيزنەس-قاۋىمداستىقتاردىڭ جانە ت.ب. وكىلدەرىمەن ارىپتەستىك قارىم-قاتىناس ورناتۋ جۇمىستارىن اتقارادى.