بۇگىن اقوردادا مەملەكەت باسشىسى ليۆان, ۋكراينا, پاكىستان, برازيليا, گەرمانيا ەلشىلەرىنەن سەنىم گراموتالارىن الدى. سونداي-اق يۆان كۋلەبا ۋكراينادا نۇرسۇلتان نازارباەۆ جايلى كىتاپ جارىق كورەتىنىن ايتتى.
«نۇرسۇلتان ءابىش ۇلى ۋكراينانىڭ تاۋ-كەن سالاسى بويىنشا ءبىلىم الدى. سودان بەرى 60 جىل دا ءوتتى. ءبىز وسى تاريxي ساتتەردى جاقسى بىلەمىز ءارى قۇرمەتپەن قارايمىز. ماسەلەن, بۇرىنعى دنەپرودزەرجينسك, قازىرگى كامەنسكي قالاسىندا ارنايى مۇراجاي دا بار. مەن جاڭا عانا پرەزيدەنتپەن كەزدەسكەندە ارنايى كىتاپتى دايىنداپ جاتقانىمىزدى جەتكىزدىم. وندا نۇرسۇلتان ءابىش ۇلىنىڭ ۋكراينادا وتكىزگەن ۋاقىتى جايىندا باياندالادى. جالپى, ونىڭ مەملەكەت باسشىسى ءارى بىتىمگەر رەتىندە قازىرگى قىزمەتى جان-جاقتى كورسەتىلەدى», دەدى ي.كۋلەبا.