ەڭبەك جانە حالىقتى الەۋمەتتىك قورعاۋ مينيسترلىگى تسيفرلاندىرۋ كۇنىن وتكىزدى. شارا ەكسپو قالاشىعىنداعى Astana Hub اۋماعىندا ۇيىمداستىرىلدى. وعان ۆيتسە-مينيستر ناريمان مۇقىشەۆ قاتىستى.
جيىنعا ءىت سالاسىنىڭ بيزنەس وكىلدەرى مەن ءوز ىستەرىن جاڭادان باستاپ جاتقان كاسىپكەرلەر, بىرقاتار ءىت ماماندارى شاقىرىلعان ەكەن. شارادا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى وزدەرى تاراپىنان تسيفرلاندىرۋ باعىتىندا اتقارىپ جاتقان جۇمىستار جايىن باياندادى. سوڭىندا سۇراق-جاۋاپ فورماتىنا اۋىسىپ, كەلۋشىلەرمەن ءوزارا پىكىر الماستىرىلدى. قاتىسۋشىلار IT-تەحنولوگيالار سالاسىنداعى ءوز تاجىريبەلەرىمەن دە ءبولىستى.
ء«بىز سالانى تسيفرلاندىرۋ ماسەلەسىندە ءىت كومپانيالارمەن تىعىز جۇمىس ىستەيمىز. سەبەبى اۆتوماتتاندىرۋ-تسيرفلاندىرۋ ماسەلەسىندە ءىت-نارىقتاعىلاردىڭ تاجىريبەسى مەن ۇسىنىستارى اسا ماڭىزدى. مۇنىڭ قاراپايىم مىسالى رەتىندە ەلەكتروندى ەڭبەك بيرجاسىن (ەەب) اتاۋعا بولادى», دەدى ۆيتسە-مينيستر.
ن.مۇقىشەۆ ەلەكتروندى ەڭبەك بيرجاسىنىڭ جۇمىسى جانە ەلەكتروندى ەڭبەك كەلىسىمشارتتارىن ەنگىزۋ تۋرالى كەڭىنەن اڭگىمە ءوربىتتى. ول بازا – بۇگىندە قۇرىلعان, «تسيفرلى قازاقستان» مەملەكەتتىك باعدارلاماسىنىڭ العاشقى ىسكە اسىرىلعان جوباسى. ونىڭ اياسىندا ازاماتتاردى جۇمىسقا ورنالاستىرۋ پروتسەسى ەلەكتروندى فورماتقا كوشىرىلىپ, جۇمىس ىزدەۋشىلەر مەن ۆاكانسيالاردىڭ ءىرى بازاسى قالىپتاسقان. مينيسترلىكتىڭ اقپاراتىنا سۇيەنسەك, بۇگىنگى كۇنى ەەب قىزمەتىن 58 مىڭ جۇمىس بەرۋشى مەن 225 مىڭ جۇمىس ىزدەۋشى پايدالانعان. سونداي-اق ەەب ارقىلى 203 مىڭ ازامات جۇمىسقا ورنالاستىرىلىپ, ونىڭ بازاسىندا 36 مىڭ بوس ورىن مەن 91 مىڭ تۇيىندەمە جاريالانعان.
«ەلەكتروندى ەڭبەك بيرجاسى قازىر جۇمىس ىستەپ جاتىر. ەندى سونىڭ اياسىندا بىرقاتار جاڭا باعىتتار اشۋدامىز. مىسال رەتىندە «ساعاتتار اۋتسورسينگى» جوباسىن اتاۋعا بولادى. ءبىز جۇمىسقا ورنالاستىرۋ تەتىگى بويىنشا لوت ارقىلى نارىققا شىعارامىز. ياعني, «ەگەر مىنا ازاماتتاردى جۇمىسقا ورنالاستىراتىن بولساڭىز, ءبىز سىزگە اقشا تولەيمىز» دەيتىن بولامىز», دەدى ن.مۇقىشەۆ. ۆيتسە-ءمينيستردىڭ ايتۋىنشا, اتالعان جوبا شامامەن وسى جىلدىڭ قازان ايىندا ىسكە قوسىلماق.
«سونداي-اق ەnbek.kz سايتىندا بىلىكتىلىك دارەجەسى كورسەتىلگەن ازاماتتاردى جۇمىسقا ورنالاستىرۋعا ارنالعان بەلگىلى ءبىر لوت ورنالاستىرىلادى. ازاماتتار تۇراقتى جۇمىسقا ورنالاستىرىلعان جاعدايدا مەملەكەت تولەيتىن قاراجات كولەمى دە كورسەتىلەدى. ولاردىڭ تۇراقتى جۇمىسقا ورنالاستىرىلۋى ماڭىزدى. ءبىر-ەكى اي جۇمىس ىستەپ, ودان سوڭ جۇمىستان بوساتىلۋى جارامسىز», دەدى ءمينيستردىڭ ورىنباسارى.
ءمالىم بولعانداي, قازىرگى ۋاقىتتا 45 جەكەمەنشىك جۇمىسپەن قامتۋ اگەنتتىگى ەلەكتروندى ەڭبەك بيرجاسىن قولدانىپ وتىر. 2018 جىلدىڭ قاڭتار-تامىز ايلارى ارالىعىندا ولار 8182 بوس ورىندى جاريالاعان.
دينارا بىتىك,
«ەگەمەن قازاقستان»