مەملەكەت باسشىسى قازاقستانعا كەلگەن تۇرىكمەنستان پرەزيدەنتىنە ءىلتيپات ءبىلدىرىپ, حالىقتارىمىزدى تاريحي ءارى باۋىرلاستىق قاتىناستار بايلانىستىراتىنىن ايتتى, دەپ حابارلايدى اقوردانىڭ ءباسپاسوز قىزمەتى.
ء«سىزدىڭ قازاقستانعا جاساعان ساپارىڭىزدان كەيىن ءبىزدىڭ ساۋدا قاتىناستارىمىزدىڭ جاندانعانى بايقالادى. الايدا, بۇل باعىتتاعى جۇمىستاردى ىلگەرىلەتۋ ءۇشىن الەۋەتىمىز ءالى دە جەتكىلىكتى», دەدى قازاقستان پرەزيدەنتى.
گۋربانگۋلى بەردىمۇحامەدوۆ سامميتكە قاتىسۋعا مۇمكىندىك تۋعىزعانى ءۇشىن ريزاشىلىق ءبىلدىرىپ, ونىڭ ۇيىمداستىرىلۋى مەن وتكىزىلۋىن جوعارى باعالادى.
«بۇل كۇن عاسىرلار بويى قالىپتاسقان ءوزارا قارىم-قاتىناسىمىزعا تىڭ سەرپىن بەرىپ وتىر. قازىرگى كەزەڭدە ەكى جاقتى ىنتىماقتاستىقتى ودان ءارى كەڭەيتۋ ءۇشىن بارلىق مۇمكىندىك بار», دەدى تۇرىكمەنستان پرەزيدەنتى.
كەزدەسۋ سوڭىندا تاراپتار وسى ايدىڭ سوڭىندا تۇرىكمەنستاندا وتەتىن ارال تەڭىزىنىڭ پروبلەمالارىنا ارنالعان وتىرىستىڭ كۇن تارتىبىندەگى ماسەلەلەردى تالقىلادى.