«تۋعان ەلىمىز بەن ءوزىمىزدى زورلىق-زومبىلىقتان, ارانداتۋ مەن وپاسىزدىق ارەكەتتەردەن ساقتاندىرۋ. قازاقستان حالقىنىڭ وركەندەۋىنە, ەلىمىزدەگى بەيبىتشىلىك پەن كەلىسىمنىڭ نىعايا تۇسۋىنە نەگىز بولعان قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆتىڭ كورەگەن ستراتەگياسىن قولداۋ».
جاڭاوزەن قالاسى مەن شەتپە ستانساسىندا بولعان تارتىپسىزدىك ارەكەتتەرىنە قاتىستى ENRC كورپوراتسياسىنىڭ كاسىپورىندارىندا ءوتكىزىلگەن باسقوسۋلاردىڭ باستى سارىنى وسىنداي بولدى. ەلىمىزدىڭ ءتورت ونەركاسىپتىك وڭىرلەرىندە (پاۆلودار, قوستاناي, اقتوبە جانە قاراعاندى وبلىستارىندا) وسى كۇندەرى كورپوراتسيانىڭ 17 مىڭ قىزمەتكەرى وسىنداي تارتىپسىزدىك جونىندە ءوز نارازىلىعىن ءبىلدىرۋ جانە «ارسەلورميتتال تەمىرتاۋ» اق قىزمەتكەرلەرىنىڭ ۇندەۋىن قولداۋ ءۇشىن جينالۋدا.
قازاقستان رەسپۋبليكاسى تاۋەلسىزدىگىنىڭ 20 جىلدىق مەرەيتويىندا جاڭاوزەن قالاسىندا ورىن العان وقيعالار قازاقستاندىق الەۋمەتتى ءوزىنىڭ ماعىناسىز ءارى قايعىلى بولمىسىمەن ءدۇر سىلكىندىردى. ءوزىنىڭ جەكە امبيتسياسىن قاناعاتتاندىرۋ ءۇشىن ادام ءومىرىن قۇربان ەتۋگە ەشكىم قۇقىلى ەمەس.
«تارتىپسىزدىكتەن زارداپ شەككەندەردىڭ بارلىق تۋىستارى مەن جاقىندارىنا كوڭىل ايتامىز. ENRC كورپوراتسياسى زارداپ شەككەندەرگە كومەك كورسەتۋ قورىنا 300 ملن. تەڭگە قاراجات باعىتتايدى», – دەدى ENRC PLC باس اتقارۋشى ديرەكتورى فەليكس ۆۋليس.
ENRC كاسىپورىندارىنداعى تۇراقتىلىق جۇمىسشىلار مەن ولاردىڭ وتباسىلارىنىڭ بولاشاققا دەگەن سەنىمىنىڭ دالەلى بولىپ تابىلادى. بۇگىن بىزگە ەڭ باستىسى – ەرتەڭگى كۇنگە سەنۋ, ارانداتۋشىلىق ارەكەتتەرگە بەرىلمەۋ. ەل تاۋەلسىزدىگىنىڭ ەڭ باستى قۇندىلىعى – بەيبىتشىلىك پەن كەلىسىمدى ساقتاۋ قاجەت, دەيدى ۇجىم مۇشەلەرى.
«ەگەمەن-اقپارات».
پاۆلودار.