جاپونيادا ءالى دە ىستىق باسىلماي تۇر. سونىڭ سالدارىنان اۋرۋحاناعا تۇسكەندەردىڭ سانى رەكوردتىق كورسەتكىشكە جەتتى, دەپ حابارلايدى تاسس.
جاپونيادا سوڭعى ءۇش ايدا 71 266 ادام اۋرۋحاناعا جاتقىزىلدى. بۇل وتكەن جىلعى كورسەتكىشكە قاراعاندا 15 مىڭعا ارتىق. سوڭعى اپتانىڭ ىشىندە 13 ادام قازا بولىپ, 13 575 ادام بۇكىل ەل بويىنشا اپتاپ ىستىق سالدارىنان اۋرۋحاناعا جەتكىزىلدى. كوپتەگەن ايماقتاردا تەرمومەتر 34-35 گرادۋستى كورسەتسە, كەيبىر اۋدانداردا تەمپەراتۋرا 40 گرادۋسقا جەتكەن.
وتكەن جىلى جاپونيادا وسىنداي ىستىقتىڭ سالدارىنان 44 ادام قازا بولىپ, ونداعان مىڭ ادام اۋرۋحاناعا تۇسكەن بولاتىن.