«تەلەفون تەرروريستەرى» 6 جىلعا باس بوستاندىعىنان ايىرىلادى

قالالىق ءىىد-نە جىل باسىنان بەرى قر قك 273 بابىندا قارالعان (تەرروريزم اكتىسى تۋرالى جالعان حابارلاما تاراتۋ) بويىنشا 6 فاكتى تىركەلگەن. كورسەتىلگەن قىلمىس بويىنشا بارلىق تۇلعا انىقتالىپ, ۇستالدى.

جارىلعىش قۇرىلعى ورناتىلعان دەگەن حابارلاما شىققان جاعدايدا تەز ارادا شۇعىل ارەكەت ەتىپ, پوليتسەيلەرمەن جابدىقتالعان جەدەل-ىزدەستىرۋ شارالارى جۇرگىزىلەدى.

قاسكۇنەم ادامدى تاۋىپ الۋ پوليتسياعا قيىنعا سوقپايدى, ال وسىنداي قىلمىس ءۇشىن جازا وتە اۋىر. قازىرگى زاماناۋي تەحنولوگيانىڭ ارقاسىندا جاراقتانىپ العان پوليتسەيلەر قىلمىستىق قۇقىق بۇزۋشىنى كوبىنە ءبىر تاۋلىكتىڭ ىشىندە-اق تاۋىپ جاتادى. ويلانباي جاسالعان ارەكەتتىڭ سالدارى ماتەريالدىق شىعىنىن وتەيتىن قىلمىستىق جاۋاپكەرشىلىكپەن اياقتالادى.

 «جالعان قوڭىراۋ - قوعامدا دۇربەلەڭ تۋعىزاتىن وتە اۋىر ساناتتاعى قىلمىستىڭ ءتۇرى. كوبىنە مۇنداي جالعان اقپاراتتى كامەلەت جاسىنا تولماعاندار بۇزاقى ارەكەتپەن جاسايدى نەمەسە ماس كۇيىندە ۇلكەندەر دە حابارلاسىپ, قىلمىس جاسايدى. كەيدە «تەلەفون تەرروريستەرى» جۇمىس ۋاقىتىن ءبولۋ ءۇشىن نەمەسە باسقا مەكەمەنى ابىگەرگە سالۋ ءۇشىن ادەيى سانالى تۇردە بارادى», - دەيدى استانا ءىىد ەكسترەميمزگە قارسى كۇرەس جونىندەگى باسقارمانىڭ قىزمەتكەرى دانيار شىنىقۇلوۆ.

جاساعان قىلمىسى ءۇشىن قر قك 273 بابىندا قارالعان (تەرروريزم اكتىسى تۋرالى جالعان حابارلاما تاراتقاندار) 6 جاسقا دەيىن باس بوستاندىعىنان ايىرىلادى.

بۇدان باسقا, مەكەمە قىزمەتىنىڭ, كاسىپورىن, ۇيىمداردىڭ جۇمىس نورماسى رەجيمىن بۇزعانى ءۇشىن تەلەفون بۇزاقىسىنان نەمەسە ونىڭ اتا-اناسىنان, كامەلەتكە جاسى جەتپەگەندەردەن جارىلعىش قۇرىلعى تۋرالى جالعان قوڭىراۋ تاراتقان ادامنان ماتەريالدىق شىعىن وندىرىلەدى.