شەرۋ «ادال جول» مارافونى اياسىندا ءوتتى, دەپ حابارلايدى اتىراۋ قالالىق اكىمدىگىنىڭ ءباسپاسوز قىزمەتى.
شەرۋگە شامامەن 30 بىرلىك سۋ كولىگى - 20 قايىق, 2 ياحتا, 6 گيدروتسيكل جانە 1 كەمە قاتىستى. سىبايلاس جەمقورلىققا قارسى مارافوننىڭ قۇرمەتتى قوناقتارى- كاراتەدەن الەم چەمپيونى - اسەل سەرىكوۆا, مۋايتايدان الەم چەمپيوناتىنىڭ قولا جۇلدەگەرى - ديدار بولاتوۆ, كيكبوكستان الەم كۋبوگىنىڭ يەگەرى - ازامات ۋتەميسوۆ.
قاتىسۋشىلار مارافوننىڭ جالاۋىن , قازاقستاننىڭ مەملەكەتتىك تۋىن كوتەرىپ ورتالىق كوپىردەن رەترو ساياباققا دەيىن ءجۇرىپ ءوتتى. اتىراۋ قالاسىنىڭ تۇرعىندارى مەن قوناقتارى ءۇشىن كونتسەرتتىك باعدارلاما بولدى.
اتىراۋ قالاسى اكىمىنىڭ ورىنباسارى مەيىرىم قالاۋيدىڭ ايتۋىنشا, بۇل اكتسيانىڭ ماقساتى -قوعامداعى سىبايلاس جەمقورلىققا قارسى مادەنيەتتى قالىپتاستىرۋ, سونداي-اق حالىقتىڭ, ونىڭ ىشىندە جاستاردىڭ سىبايلاس جەمقورلىققا قارسى قوزعالىستا بارلىق توپتارىنىڭ وكىلدەرىن تارتۋ بولىپ تابىلادى.
- مۇنداي شارالاردى وتكىزۋ ارقىلى ءبىزدىڭ مەملەكەتىمىزدىڭ سىبايلاس جەمقورلىققا قارسى ساياساتى بولاشاقتا وڭ ناتيجەسىن بەرەدى,- دەيدى مەيىرىم قالاۋي.