شۆەد جيھانكەزى شىمبۇلاققا شىقتى

ءۇش كۇندىك فەستيۆالدىڭ ايتا قالارلىقتاي وقيعالارىنىڭ ءبىرى – ايگىلى شۆەد ساياحاتشىسى, حالىقارالىق تابيعاتتى قور­عاۋ وداعى جانە Snow Leopard Foun­dation قورىنىڭ ەلشىسى يو­حان نيل­سوننىڭ الماتىعا كەلۋى ەدى.

جاھان كەزگەندى, ادام اياعى باسپاعان مەكەندەردى كورۋدى ار­ماندايتىندار ءۇشىن يوحان نيلسوننىڭ ەسىمى تانىس. بۇكىل ومىرىندە الەمنىڭ 169 ەلىن ارا­لاپ, 70 بىردەي بيىكتىكتى باعىن­دىر­عان ساياحاتشى وسى كۇنگە دەيىن 52 ەكسپەديتسياعا قاتىسىپ ۇلگەرگەن.

قايىققا ءمىنىپ الىپ, اسپاندا قالىقتاۋدى ارمانداعان يوحاننىڭ بۇل قيالى دا جۇ­زەگە اسقان. سەگىز جىلدان اس­تام ۋاقىتىن الەمنىڭ ءار شال­عا­يىندا, شاتىر استىندا وت­كىز­گەن جيھانكەز بىلايعى جۇرتتى قور­­شاعان ور­تانى قورعاۋعا, تاۋ-تاستىڭ ارا­سىن قوقىسقا تول­­­­تىرماۋعا شاقىرىپ جۇرگەن ادام.

ءتىپتى ادام جەگىشتەردىڭ اراسىنان دا ءدىن-امان شىققان سايا­حاتشى ءوز ءومىرى تۋرالى تىن­باي اڭ­گىمەلەۋگە دايار. ول شىم­بۇ­لاق­تىڭ كەلەشەگى بار دەپ ەسەپتەيدى. ويت­كەنى شىمبۇلاق قا­لانىڭ تۋرا تۇب­ىندە تۇر. جانە الماتىعا كوپ­تە­گەن مەملەكەتتەردەن تىكەلەي ۇشىپ كەلۋگە بولادى. بەلگىلى شۆەد ساياحاتشىسى ۋاقىت وتە كەلە قا­زاق­ستان شىنىندا دا تابىستى تۋ­ريس­­­تىك ەل بولا الادى دەپ بولجاي­دى.

تالاي اڭ-قۇستى قۇتقارىپ, شيپاسىن ىزدەپ, ساۋاپ جيناپ جۇرگەن ساياحاتشى قازاقستاندىق باق وكىلدەرىمەن وتكەن باسقو­سۋدا, وكىنىشكە قاراي ءار ەلدە ۇشىراساتىن قورشاعان تا­بيعاتقا قاتىستى ماسەلەلەردى قوزعادى. ءۇش جىل بويى نيلسون مەن ونىڭ ارىپتەستەرى جالپى سانى 250 ادامنىڭ قاتىسۋىمەن ارنايى ەكسپەديتسيالار ۇيىمداستىرعان. ەكسپەديتسيا مۇشەلەرى الەمنىڭ ەڭ بيىك نۇكتەسى ەۆەرەستىڭ وزىنەن 15 توننا قوقىستى تومەنگە تۇ­سىر­گەن. يوحان نيلسونىڭ ايتۋ­ىن­شا, وسىنشاما قالدىقتى لاق­­تى­راتىن شەتەلدىك تۋريستەر ەمەس, جەر­گىلىكتى تۇرعىندار. «مە­نىڭ­شە, ادامدار وزدەرى تۇراتىن اي­ماق­تىڭ سۇلۋلىعىن سەزبەيدى, قا­دى­رىن بىلمەيدى. سوندىقتان ينفرا­قۇ­رىلىمدى دامىتۋدى عانا قول­عا الماي, جەرگىلىكتى حالىققا اق­پارتتىق جۇمىستاردى جۇر­گىزۋ اب­زال جانە تاستالعان قوقىس ءۇشىن ايىپ­پۇل سالۋ جۇيە­سىن ەنگىزۋدى جۇ­زەگە اسىرۋ ورىندى, تيىسىنشە, تۇر­عىندار قوقىستى تاستاۋ الدىندا ويلانادى, بىرەگەي تاۋ جۇيەسى مەن قور­شاعان ورتانى تازالىقتا ۇس­تاۋعا نيەتتەنەدى», – دەدى يوحان نيلسون.

ايناش ەسالي,

«ەگەمەن قازاقستان»

الماتى