قىزىلوردا اكىمدىگىندە وڭىردەگى جوسپاردىڭ ورىندالۋى تالقىلاندى

وسى بويىنشا 310 ءىس-شا­رادان تۇراتىن جوسپار بەكى­تىلگەن. وبلىس اكىمى قىرىمبەك كوشەرباەۆتىڭ توراعالىعىمەن وتكەن اپپارات ماجىلىسىندە اتال­­عان جوسپاردىڭ قالاي ورىن­­­دالىپ جاتقاندىعى جو­نىن­دە وبلىستىق ەنەرگەتيكا جانە بيۋدجەتتى جوسپارلاۋ باس­قار­ماسىنىڭ باسشىسى ساۋلە ق ۇلىمبەتوۆا بايانداپ بەردى. تالداۋدا كورسەتىلگەندەي, 310 ءىس-قيمىل جوسپارىنىڭ ازىرگە 37 تارماعى ناقتى ورىندالعان, 3 تارماق بويىنشا جۇمىستار اياعىنا جەتكىزىلمەگەن. ال 270-تارماقتىڭ 56-سى ۇزاق مەر­زىمدى ءىس-شارا بولعاندىقتان ازىر­گە اشىپ ايتۋ قيىن. بىراق جىل اياعىنا دەيىن 214-ءى ورىن­دالماق. وعان نەگىز بار.

باسقارما باسشىسى ءىس-قيمىل جوسپارىنداعى ورىندالماي جاتقان تارماقتارعا توقتالىپ ءوتتى. سونىڭ ءبىرى – وبلىستىق اي­ماقتىق تۋ­ريستىك برەندىن ازىر­لەۋ وب­لىستىق كاسىپكەرلىك جانە تۋريزم باسقارماسىنا تاپ­سى­رىلعان بولاتىن. الايدا, پرەمەر-مينيستر باقىتجان ساعىنتاەۆتىڭ 2018 جىلعى 19 قاڭتارداعى وكىمى بويىنشا «قازاقستاننىڭ ەلدىك تۋريستىك برەندىن» ازىرلەۋ تاپسىرماسى قويىلعان. وسى سەبەپتەرگە بايلانىستى اي­ماق­تىق تۋريستىك برەندىن ازىر­لەۋ ماسەلەسى وزەك­تىلىگىن جوعالتقان سياقتى.

سونىمەن قاتار جاڭاقور­عانعا قاراستى اققۇم ەلدى مە­­كەنىندەگى 100 ورىندىق مەك­تەپ بيىل ەكىنشى توقساندا پاي­­­دالانۋعا بەرىلۋگە ءتيىس بولا­­تىن. مەردىگەر ۋادەسىندە تۇر­عا­نى­مەن مەكتەپتە نە سۋ, نە ەلەكتر جارىعى جوق. وقۋ ورنى­نا سۋ جانە ەلەكتر جارىعىن تارتا­تىن باس سۋ تورابىندا جوندەۋ جۇمىستارى جۇرگىزىلىپ جاتقاندىعى بىتە­يىن دەپ تۇرعان قۇرىلىسقا كە­دەر­گى كەلتىرگەن.

قىزىلوردا قالاسىنىڭ سول جاع­الاۋىندا ەمحانا­ قۇرى­لى­­سىنا قاجەتتى قۇجاتتاردى ازىر­لەۋ دە جۇزەگە اسپاعان. ءۇشىن­شى توقساندا ورىندا­لۋى ءتيىس­ جوبا وبلىستىق دەنساۋ­لىق ساقتاۋ باسقارماسىنىڭ ۇسىنىسى بو­يىنشا مەملەكەت-جەكەمەنشىك ارىپتەستىگى نە­گىزىندە جۇزەگە اساتىن جوبالار تىزىمىنەن الىنىپ تاستالدى.

وبلىس اكىمى ورىندالماي جاتقان جۇمىس بويىنشا جا­ۋاپتى تۇلعالارعا, سالا باسشىلارىنا ناقتى تاپسىرمالار بەردى. جاۋاپتى تۇلعالاردان قاتاڭ سۇراۋ بولاتىنىن ەسكەرتتى.

باقتيار تايجان,

«ەگەمەن قازاقستان»

قىزىلوردا وبلىسى