ەندى تەگىن Smart Astana ءموبيلدى قوسىمشاسىنىڭ كومەگىمەن ونلاين رەجيمىندە استانالىق جۇمىس بەرۋشىلەر ۇسىنعان بوس ورىنداردى تاڭداۋ مۇمكىن بولدى, دەپ حابارلايدى ەلوردا اكىمدىگىنىڭ رەسمي سايتى.
Smart Astana تەگىن ءموبيلدى قوسىمشاسى ونلاين رەجيمدە ءبىر مەزەتتە بىرنەشە وپەراتسيانى جۇزەگە اسىرۋعا مۇمكىندىك بەرەدى. قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ مالىمەتىنشە, ءموبيلدى قوسىمشادا ۇسىنىلعان 10 ايداردا قىزمەتتىڭ 70-تەن استام ءتۇرى قولجەتىمدى. بۇدان بىلاي اتالمىش قوسىمشا ارقىلى ەلورداداعى بوس جۇمىس ورىندارىن تابۋعا بولادى. باعدارلاما enbek.kz ەلەكتروندى پورتالىمەن بايلانىستا جۇمىس ىستەيدى. وزەكتى دەگەن بوس جۇمىس ورىندارى مۇندا دا كۇندەلىكتى جاڭارتىلىپ تۇرادى.
ايتا كەتەيىك, Smart Astana قوسىمشاسى Apple Store جانە Play Market-تە قولجەتىمدى. وسى ۋاقىتقا دەيىن قوسىمشانى 120 000 ادام جۇكتەپ العان.