بۇگىن ۇكىمەت ۇيىندە پرەمەر-مينيستر باقىتجان ساعىنتاەۆ قازاقستاننىڭ ءۇشىنشى جاڭعىرۋىن جوبالىق باسقارۋ اياسىندا وسىعان دەيىن اتقارىلعان جۇمىستاردىڭ جاي-كۇيى جونىندە كەڭەس وتكىزدى, دەپ حابارلايدى primeminister.kz.
كەڭەس بارىسىندا قاراعاندى جانە قىزىلوردا وبلىستارى اكىمدىكتەرىنىڭ جوبالىق باسقارۋ باعىتتارى تۇرعىسىنان باستامالار بويىنشا ءىس-شارالاردى ورىنداۋ جانە ينديكاتورلارعا قول جەتكىزۋ بويىنشا 2018 جىلدىڭ ەكىنشى جارتى جىلدىعىنا ارنالعان جوسپارلار جانە العاشقى التى ايداعى جوبالار پورتفەلدەرىن ىسكە اسىرۋ جۇمىستارىنىڭ الدىن-الا قورىتىندىلارى تالقىلاندى.
قاراعاندى وبلىسىنىڭ اكىمى ە.قوشانوۆ پەن قىزىلوردا وبلىسىنىڭ اكىمى ق.كوشەرباەۆ ءبىلىم بەرۋ, دەنساۋلىق ساقتاۋ سالالارىن, ءتۋريزمدى, ساۋدانى, اوك, جاپپاي كاسىپكەرلىكتى دامىتۋ, سونداي-اق بازالىق يندۋستريالاندىرۋدى جۇرگىزۋ, ينۆەستيتسيالاردى تارتۋ جانە ءونىمدى جۇمىسپەن قامتاماسىز ەتۋ ماسەلەلەرى جونىندە باياندادى.
اكىمدەر وزدەرىنىڭ سوزدەرىندە ەكونوميكالىق ءوسىم قارقىنىن جەدەلدەتۋ جانە ەكونوميكا قۇرىلىمىن ساپالى وزگەرتۋگە باعىتتالعان شارالارعا باسا نازار اۋداردى.