«ەگەمەن قازاقستان» گازەتىندە كادرلىق وزگەرىستەر بولدى

وسىعان دەيىن ەل گازەتىندە الەۋمەت جانە ءبىلىم ءبولىمىنىڭ مەڭگەرۋشىسى قىزمەتىن اتقارىپ كەلگەن دۋمان اناش باس رەداكتوردىڭ ورىنباسارى بولىپ تاعايىندالسا, اتالعان ءبولىمنىڭ باسشىسى ميراس اسان بولدى.

دۋمان نۇرلان ۇلى اناش 1984 جىلى 26 جەلتوقساندا شىعىس قازاقستان وبلىسى ءۇرجار اۋدانى قارابۇلاق اۋىلىندا دۇنيەگە كەلگەن. 2001 جىلى قارابۇلاق ورتا مەكتەبىن, 2005 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن بىتىرگەن. «سپورت», «الماتى اقشامى» جانە شىعىس قازاقستان وبلىستىق «ديدار» گازەتتەرىندە ءتىلشى, ءبولىم رەداكتورى, اقپاراتتىق توپ جەتەكشىسى بولىپ ەڭبەك ەتكەن. «ەگەمەن قازاقستان» گازەتىنىڭ شىعىس قازاقستان وبلىسىنداعى مەنشىكتى ءتىلشىسى قىزمەتىن اتقارعان.

ميراس اسان 1987 جىلى 13 مامىردا قاراعاندى وبلىسى, قارقارالى اۋدانى, باقتى اۋىلىندا دۇنيەگە كەلگەن. ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ تۇلەگى. پەداگوگيكا عىلىمدارىنىڭ ماگيسترى. 2010 جىلعى ءحىىى حالىقارالىق «شابىت» شىعارماشىل جاستار فەستيۆالىنىڭ لاۋرەاتى. «سوڭعى راۋشان», «بەكزات» جىر جيناقتارىنىڭ اۆتورى. رەسپۋبليكالىق «قاسىم» ادەبي-قوعامدىق جۋرنالدىڭ باس رەداكتورىنىڭ ورىنباسارى, قاراعاندى وبلىستىق «ورتالىق قازاقستان» گازەتىندە ءبولىم مەڭگەرۋشىسى, سونداي-اق, «ەگەمەن قازاقستان» گازەتىنىڭ قاراعاندى وبلىسىنداعى مەنشىكتى ءتىلشىسى بولىپ قىزمەت اتقارعان.

ارىپتەستەرىمىزدى جاڭا قىزمەتىمەن قۇتتىقتاپ, شىعارماشىلىق تابىس تىلەيمىز!