الماتىدا جاڭا جوعارى تەحنولوگيالى مەديتسينا ورتالىعى اشىلدى.
حالىقتىڭ ءومىر ءسۇرۋ ۇزاقتىعىنىڭ ارتۋىنا جانە تەحنولوگيالاردىڭ دامۋىنا بايلانىستى مەديتسينالىق قىزمەتتەردى تۇتىنۋ كولەمى ارتىپ كەلە جاتىر. ماسەلەن, قازاقستان رەسپۋبليكاسىنىڭ پرەزيدەنتى ن.نازارباەۆ ەل حالقىنا «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا بيزنەستى رەتتەۋسىزدەندىرۋ بويىنشا جۇيەلى شارالار قابىلداۋدى تاپسىردى. ماقساتى – جەكە قىزمەت كورسەتۋ سەكتورلارىن, ونىڭ ىشىندە مەديتسينا سالاسىندا دا دامىتۋ.
وتكەن جىلى ۇكىمەت دەنساۋلىق ساقتاۋ جۇيەسىن رەتتەۋسىزدەندىرۋ بويىنشا ۇلكەن جۇمىستار اتقاردى. بيزنەس ءۇشىن كەدەرگىلەردى قىسقارتۋ ناتيجەسىندە جەكە ۇسىنۋشىلاردان مەديتسينالىق قىزمەتتەردى ساتىپ الۋ ۇلەسى 2017 جىلعى 8%-دان 2018 جىلى 13 %-عا دەيىن ارتقانى بەلگىلى. وتكەن جىلى دەنساۋلىق ساقتاۋ سالاسىنا سالىنعان ينۆەستيتسيالار كولەمى 50% ارتىپ, 91,4 ملرد. تەڭگەنى قۇرادى. جەكە ينۆەستيتسيالار ۇلەسى 2016 جىلعى دەڭگەيگە شاققاندا 90% (23,3 ملرد تەڭگەدەن 44,2 ملرد. تەڭگەگە دەيىن) ارتتى.
بۇگىندە الماتىدا وڭتۇستىككورەيالىق امبۋلاتورلىق كلينيكا ىسكە قوسىلدى. بۇل ورتالىق ازيا اۋماعىنداعى تولىعىمەن شەتەلدىك ينۆەستيتسيالار ەسەبىنەن ىسكە اسىرىلعان العاشقى مەديتسينالىق مەكەمە ەكەنىن اتاپ وتكەن ماڭىزدى.
ەمحانادا ءتيىمدى وتا جاساۋ جۇيەلەرى مەن كورەيادان جەتكىزىلگەن وزىق دياگنوستيكالىق تەحنولوگيالار بەيىمدەندىرىلگەن. سونىمەن قاتار, سينگاپۋر تەحنولوگيالارى دا پايدالانىلادى.
«تيىمدىلىگى از جانە مەملەكەت ءۇشىن شىعىنى كوپ ديسپانسەرلىك ەم قولدانۋدان نەگىزگى سوزىلمالى اۋرۋلارعا الىستان دياگنوستيكا جاساپ, سونداي-اق وسى سالانى امبۋلاتورلىق ەمدەۋ ارقىلى باسقارۋعا كوشۋ قاجەت. بۇل تاجىريبە الەمدە بۇرىننان بار. ونى باتىل ءارى بەلسەندى تۇردە ەنگىزۋ كەرەك. ونكولوگيالىق اۋرۋلارمەن كۇرەسۋ ءۇشىن كەشەندى جوسپار قابىلداپ, عىلىمي ونكولوگيالىق ورتالىق قۇرۋ قاجەت. حالىقارالىق وزىق تاجىريبە نەگىزىندە اۋرۋدى ەرتە دياگنوستيكالاۋدىڭ جانە قاتەرلى ىسىكتى ەمدەۋدىڭ جوعارى تيىمدىلىگى قامتاماسىز ەتىلۋگە ءتيىس», دەلىنگەن پرەزيدەنتتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا.
وسىعان بايلانىستى, وبىر سكرينينگىن ىسكە اسىرۋ ءۇشىن سەۋل ۇلتتىق ۋنيۆەرسيتەتى جانىنداعى BIOiNFRA عىلىمي بيولوگيالىق كومپانياسى وبىردى انىقتاۋ پروتسەسىنە تولىققاندى تەحنيكالىق قولداۋدى قامتاماسىز ەتەتىن بولادى.
(POCT MDx) One Biomed مولەكۋلالىق دياگنوستيكاسىنا نەگىزدەلگەن گەنەتيكالىق جانە جۇقپالى اۋرۋلارعا زەرتتەۋلەر جۇرگىزۋ ءۇشىن سينگاپۋرلىق كومپانيا تەحنيكالىق سەرىكتەس بولادى. سونىمەن قاتار, كلينيكا كورەياداعى جەتەكشى زەرتحانالاردىڭ ءبىرى Seegene Medical Foundation ينۆەستيتسيالارىن تارتىپ, قازاقستاندا ورتالىقتاندىرىلعان زەرتحانالىق جەلىنى قۇرۋ ىسىمەن اينالىساتىن بولادى.
MPKQAZ قازاقستاندا مەديتسينالىق كومپانيالار توبىن قۇرۋعا نيەتتى, وندا وپەراتسيالىق مەنەدجمەنتتى كورەيالىق مەديتسينا ماماندارى جۇرگىزەتىن بولادى. ەمحانا پاتسيەنتتەرگە جۇيەلى جانە قولايلى قىزمەت كورسەتۋدى قامتاماسىز ەتىپ قانا قويماي, كورەيالىق دارىگەرلەردىڭ كومەگىمەن جان-جاقتى جۇيەلى ساپا باقىلاۋى جۇرگىزەدى.
MPKQAZ باس ديرەكتورى پروفەسسور عالىمجان توعىزباەۆ كلينيكا قازاقستان مەن كورەيانىڭ ناقتى ىنتىماقتاستىعىنىڭ, اتاپ ايتقاندا, «blood mix» مىسالى بولىپ وتىرعانىن ايتتى. 5 جىلدان سوڭ Medical Partners Korea Qazaqstan ەمحاناسى قازاقستانداعى العاشقى شەتەلدىك مەديتسينالىق كلينيكا رەتىندە كورەيا قور نارىعى قاتىسۋشىلارىنىڭ قاۋىمداستىعىنا (KOSDAQ) كىرۋدى جوسپارلاپ وتىر.
«MPKQAZ كورەيانىڭ وزىق مەديتسينالىق تەحنولوگيالارىن جانە قىزمەت كورسەتۋ سالاسىنداعى باي تاجىريبەسىن قولدانۋمەن پاتسيەنتتەرگە قىزمەت كورسەتۋ جۇيەسى مەن كوپۇلتتىق مەديتسينالىق وپەراتسيا جۇيەسىن قۇرۋعا ءازىر», - دەدى مەديتسينالىق ديرەكتور, كارديولوگ-دارىگەر حيسۋك مين.
ايتا كەتەيىك, «Medical Partners Korea Qazaqstan» جشس (MPK QAZ) قازاقستاندىق ينۆەستورلار Medical Partners Korea (MPK) كورەيانىڭ دەنساۋلىق ساقتاۋ سالاسىنداعى حالىقارالىق كومپانياسىمەن بىرلەسىپ قۇرعان. باس كەڭسەسى سينگاپۋردە ورنالاسقان.
ەمدەۋ ادىستەمەسى كورەيلىك جانە سينگاپۋرلىق تەحنولوگيالارعا نەگىزدەلگەن. كلينيكا الماتىداعى بيزنەس ورتالىقتاردىڭ بىرىندە ورنالاسقان. قازاقستاندىق پاتسيەنتتەردى ەڭ ۇزدىك كورەيلىك ماماندار ەڭ زاماناۋي جابدىقتاردى قولدانۋمەن 13 باعىت بويىنشا قابىلدايتىن بولادى. كلينيكادا سونىمەن قاتار كورەيلىك ءداستۇرلى مەديتسينا ماماندارى دا جۇمىس ىستەيدى. مەكەمەدە رەنتگەن اپپارات, General Electric Co. ۋلترادىبىستىق سكانەرلەرى, جوعارى بىلىكتى ەكگ اپپارات, لور-كومباين, اكليدەس جانە باسقا دا جابدىقتار جۇمىس ىستەيدى.