استانانىڭ №2 پەريناتالدى ورتالىعىندا بوسانعان كەلىنشەك كوز جۇمدى, دەپ حابارلايدى استانا قالالىق دەنساۋلىق ساقتاۋ باسقارماسىنىڭ ءباسپاسوز قىزمەتى.
جاس انانىڭ ءولىمى 16 شىلدە كۇنى تاڭعى ساعات 9:25-تە تىركەلگەن. ايەلدى قۇتقارۋعا انا مەن بالا ۇلتتىق عىلىمي ورتالىعى مەن ۇلتتىق كارديوحيرۋرگيا ورتالىعىنىڭ دارىگەرلەرى جانە «استانا» مەديتسينالىق ۋنيۆەرسيتەتىنىڭ پروفەسسورلارى جۇمىلدىرىلعان.
جاسالعان بارلىق جانساقتاۋ شارالارىنا قاراماستان اق حالاتتىلار جاس انانىڭ ءومىرىن امان الىپ قالا المادى. دارىگەرلەردىڭ ايتۋىنشا, دۇنيەگە كەلگەن قىز بالانىڭ جاعدايى قالىپتى.
وقيعا بويىنشا ساراپتامالىق كوميسسيا قۇرىلدى. كوميسسيا ءولىم سەبەبىن انىقتايتىن بولادى.
ايتا كەتەيىك, ماۋسىم-شىلدە ايلارىندا ەلورداداعى №1 پەريناتالدىق ورتالىقتا ءۇش ايەل كوز جۇمعان ەدى. وسىعان بايلانىستى اۋرۋحانا جۇكتى ايەلدەردى قابىلداۋدى ۋاقىتشا توقتاتقان بولاتىن. كەيىن ورتالىق شتاتتىق رەجىمدە جۇمىسىن قايتا باستادى.