ەلباسى – «نۇر وتان» پارتياسىنىڭ توراعاسى نۇرسۇلتان نازارباەۆتىڭ تاپسىرماسى بويىنشا بۇل كۇندەرى پارتيا قىزمەتىن جاڭعىرتۋ جۇمىستارى جۇرگىزىلۋدە.
ەلىمىزدە حالىقتىڭ تسيفرلى ساۋاتتىلىعىن ارتتىرۋ جانە ءبىلىم بەرۋ سالاسىندا زاماناۋي IT-تەحنولوگيالاردى كەڭىنەن قولدانۋ باعىتىندا جۇمىستار باستالدى. پاۆلودار وڭىرىندە دە وسى جاڭا مىندەتتەر جۇكتەلگەن ستراتەگيالىق باستامالار جۇزەگە اسىرىلۋدا. وبلىستا اتقارىلىپ جاتقان جاڭاشىل جۇمىستارمەن تانىسىپ قايتۋ ءۇشىن «نۇر وتان» پارتياسىنىڭ حاتشىسى تامارا دۇيسەنوۆا كەلدى.
ساپار بارىسىندا تامارا دۇيسەنوۆا وبلىس ورتالىعىنداعى IT-تەحنولوگيالاردى قولدانۋ باعىتىندا جۇمىس باستالعان بىرقاتار نىسانداردى ارالادى. №37 مەكتەپتە, وقۋشىلار سارايىندا اشىلعان ءىت-سىنىپتاردىڭ جۇمىسىمەن تانىستى. بىلتىر اشىلعان №37 جارقىراعان جاڭا مەكتەپتە تسيفرلى تەحنولوگيالار بىرگە ىلەسە كەلگەندەي. وقۋشىلار مەكتەپكە ارنايى كارتا نەمەسە ساۋساق ءىزى ارقىلى كىرىپ-شىعادى. اتا-انالارعا ارنايى حابارلاما جولدانادى. بۇل اتا-انالاردىڭ بالالارىن باقىلاپ وتىرۋىنا مۇمكىندىك بەرەدى.
تسيفرلاندىرۋ سالاسىنداعى مەكتەپتىڭ كەلەسى جەتىستىگى – ونلاين-تاماقتانۋ جۇيەسى. بۇل جۇيە ارقىلى دا اتا-انالار بالالارىنىڭ نە ءىشىپ-جەگەنىن قاداعالاي الادى. وقۋشىلار وزدەرى دە تاپسىرىس بەرەدى. مۇعالىمدەر بولمەسى دە سوڭعى ۇلگىدە جابدىقتالىپ, ۇستازدار قاۋىمى تسيفرلى تەحنولوگيانىڭ مۇمكىندىكتەرىن پايدالانۋدا.
– بۇل كۇندەرى «بالالارعا ارنالعان تەگىن ءىت-سىنىپتار» اتتى پارتيالىق جوبالار اياسىندا اشىلعان سىنىپتاردا بالالار زاماناۋي باعدارلامالىق تىلدەر مەن وزگە دە اقپاراتتىق تەحنولوگيالاردى ۇيرەنۋدە. جوبا 3 جىلعا جوسپارلانعان. ەلىمىزدە 1000 IT-سىنىپ اشىلادى. بالالار سىنىپتاردا باعدارلامالار, ۆەب-سايتتار, انيماتسيا جانە موبيلدىك قوسىمشالار جاساۋدى ۇيرەنەدى, – دەدى پارتيا حاتشىسى.
جالپى, بۇل كۇندەرى وڭىردە جاڭا پارتيالىق جوبالار قاناتقاقتى باستاما رەتىندە جۇرگىزىلۋدە. «نۇر وتان» پارتياسى مەن جەرگىلىكتى مەملەكەتتىك ورگاندار, وڭىرلىك كاسىپكەرلەر پالاتاسى جانە بيزنەس قاۋىمداستىق اراسىندا بىرقاتار مەموراندۋمعا قول قويىلدى. بۇل جوبالاردى جۇزەگە اسىرۋ ارقىلى بالالارعا ارنالعان تەگىن IT-سىنىپتار اشۋعا, IT مامانداردى دايارلاپ, حالىقتىڭ تسيفرلى ساۋاتتىلىعىن ارتتىرۋعا, وڭىرلىك كىتاپحانالار جۇيەسىن ترانسفورماتسيالاۋعا جاعداي جاسالىپ, كىتاپحانالار قازىرگى زامانعى ءبىلىم ورتالىعى رەتىندە قايتا قۇرىلۋدا.
وبلىس ورتالىعىنداعى پ.ۆاسيلەۆ اتىنداعى ورتالىق قالالىق كىتاپحانا مەن بالالارعا ارنالعان ورتالىق قالالىق كىتاپحانادا كوۆوركينگ-ورتالىعى اشىلدى. ت.دۇيسەنوۆا «رۋحاني جاڭعىرۋ» باعدارلاماسى بويىنشا قولعا الىنعان 18 جوبانىڭ ءبىرى, قازىرگى زامانعا ساي ءىت-تەحنولوگيالارمەن, 3D فورماتتى تەلەديدارمەن جانە جۇمساق جيھازدارمەن جابدىقتالعان ورتالىقتى ارالاپ كوردى. سونىمەن قاتار مۇندا ءارتۇرلى تاقىرىپتاعى ۇيىرمەلەر, ترەنينگتەر, شەبەرلىك ساباقتارىن ت.ب. جوبالاردى وتكىزۋگە مۇمكىندىك بار.
ال «نۇر وتان» پارتياسى جەرگىلىكتى فيليالى باستاعان «بالالارعا ارنالعان تەگىن IT-سىنىپتار» جوباسىنىڭ ءبىرىنشى كەزەڭى اياقتالۋعا جاقىن. «YBYRAI» جاس پروگرامميستەر ليگاسى» قوعامدىق قورىنىڭ ديرەكتورى ءازيزا شوجەەۆانىڭ ايتۋىنشا, بۇگىندە وبلىستاعى قالالار مەن اۋدانداردا 15 IT-سىنىپ اشىلعان.
فاريدا بىقاي, «ەگەمەن قازاقستان»
پاۆلودار وبلىسى