كەشە ورال قالاسىندا ءححى عاسىر باستالعالى جول ەرەجەسىن ءبىر مارتە دە بۇزباعان, ايىپقا تارتىلماعان تاكسي جۇرگىزۋشىلەرىن ورال قالالىق جەرگىلىكتى پوليتسيا قىزمەتى باسقارماسى ەرەكشە قۇتتىقتادى.
ءبىر قىزىعى, تاكسي جۇرگىزۋشىلەرى پوليتسيانىڭ مۇنداي ەرەكشە شارا دايىنداپ جاتقانىنان حابارسىز بولىپتى. ادەتتەگىدەي «تاپسىرىس» الىپ, كليەنتىن دىتتەگەن جەرىنە جەتكىزۋ ءۇشىن ورالدىڭ ورتالىق ساياباعى جانىنداعى پ.اتويان ستاديونىنا جاقىنداپ كەلگەن ناۋرىزباي كوبجانوۆ پەن سەرگەي پروشين فورما كيگەن پوليتسيا قىزمەتكەرلەرىن, قاپتاعان جۋرناليستەردى كورىپ اڭ-تاڭ قالدى. تىلشىلەر قاۋمالاپ, فوتو مەن بەينەكامەراعا ءتۇسىرىپ, ال پوليتسيا قىزمەتكەرى ارنايى العىس حات ۇسىنعاندا عانا ءمان-جايدى ءتۇسىنىپ, قۋانىشتان جۇزدەرى بال-بۇل جاندى.
– بۇل جۇرگىزۋشىلەر سوناۋ 1999 جىلدان بەرى ءبىر دە ءبىر رەت جول اپاتىنا ۇرىنباعان, ەرەجە بۇزباعان. ءتىپتى «جول ەرەجەسىن ساقتاۋ – ءار جۇرگىزۋشىنىڭ كۇندەلىكتى ساقتاۋى ءتيىس قاراپايىم قاعيداسى ەمەس پە؟» دەپ قاراپايىمدىلىق تانىتىپ تۇر. قالامىزدىڭ بارلىق جۇرگىزۋشىسى وسىنداي جانداردان ۇلگى السا, – دەيدى ورال قالالىق ىشكى ىستەر باسقارماسى جەرگىلىكتى پوليتسيا قىزمەتىنىڭ اعا ينسپەكتورى, پوليتسيا مايورى دينارا ابدۋلقالىقوۆا.
قازىبەك قۇتتىمۇرات ۇلى,
«ەگەمەن قازاقستان»