مىڭ بوياۋلى شاھاردىڭ ءبىر كۇنى

جاۋھار جارىقتار المالى قالانىڭ ايشىقتى تىنىسىن تانىتا تۇسەدى. قالا ورتاسىنداعى پانفيلوۆ كوشەسى جاياۋ جۇرگىنشىلەر ەركىن قوز­عالاتىن ءارى دەمالاتىن ور­تالىققا اينالعان. ارنايى ورىندىقتار, سۋسىن ساتاتىن ورىندار, بالالار وينايتىن الاڭدار جاساقتالعان كوشەنىڭ ۇزىنا بويىندا قولونەر بۇ­يىمدارى ساتىلاتىن بازارلار ۇيىمداستىرىلعانىن دا ايتا كەت­كەنىمىز ءجون.

مىڭ بوياۋلى شاھاردىڭ مەرەكەسىن تانىتاتىن شارادا الماتى قالاسىنىڭ اكىمى باۋىرجان بايبەك پەن QLED Samsung Elektronics Central Eurasia كومپانياسىنىڭ پرەزي­دەنتى بەن يۋن ءسوز سويلەدى.

ەلىمىزدىڭ ەگەمەندىگىنىڭ الدىندا ماڭىزدى شەشىمدەر قابىلدانعان قازاقستاننىڭ بۇرىنعى استاناسىنىڭ ەرەكشە رولىنە توقتالعان باۋىرجان بايبەك بۇگىن الماتى مادەنيەت, بيزنەس جانە قارجى ورتالىعى ەكەنىن, ول سونداي-اق ءىس-شارانى ۇيىمداستىرعان Samsung Electronics كومپانياسىنا العى­سىن ءبىلدىردى.

الماتىدا 1996 جىلدان بەرى جۇمىس ىستەپ كەلە جات­قان Samsung Electronics Central Eurasia كومپانياسىنىڭ پرەزيدەنتى ۋن چول يۋن ءوز كە­زەگىندە وزدەرىنىڭ قازاق­ستان­­دىقتارعا ارنالعان يننو­ۆاتسيالىق جەتىستىكتەردى ەنگىزۋگە قۋانىشتى ەكەندىكتەرىن ايتتى. ءبىر جىل بۇرىن ولار استا­ناداعى EXPO-2017 كورمەسىندە QLED سىزىعىن ەنگىزسە, ەندى مىنە, الماتىدا مەرەكە كۇنىن ۇيىمداستىرىپ وتىر.

وزگەشە بوياۋمەن تۇرلەنىپ ءسان-سالتانات تاپقان پانفيلوۆ كوشەسى بويىنداعى Samsung QLED تەلەديدارلارى ارقىلى جوعارعى ساپالى ادەمى سۋرەتتەر, كوز جاۋىن العان اشەكەيلى ورنەكتەر مىڭ ءتۇرلى بوياۋعا مالىنعان قالانىڭ اسەم ديدارىن تانىتادى. جاياۋ جۇر­گىنشىلەر جولىنىڭ كوڭىل دەم­دەيتىن اسپەتتىلىگى دەمالۋ­شى­لارعا ايرىقشا تىنىس بەر­گەندەي ەكەن. «الماتىدا وت­كەن ءبىر كۇن. ومىرگە ارنالعان قالا» كىتابىنىڭ تۇساۋكەسەرى وقىرماندار اراسىندا ەرەكشە قىزىعۋشىلىق تۋعىزدى. جاڭا باسىلىمدا الماتى قالاسىنىڭ بىرەگەي سۋرەتتەرىن, تانىس كو­شە­لەردى جانە ازاماتتاردىڭ كۇن­دەلىكتى ءومىرىن كورە الاسىز.

الماتى قالاسىنا ارنالعان فوتوگرافيا مەن سۋرەت كورمەسى جانە ءبىر اكتىلى «شاحەرەزەدا» بالەتى كەلۋشىلەرگە قۋانىش سىيلادى.

ساپارباي پارمانقۇل,

«ەگەمەن قازاقستان»

الماتى