– ەلباسى نۇرسۇلتان نازارباەۆتىڭ شىمكەنت حالقىنىڭ سانى 1 ميلليوننان اسۋىنا بايلانىس- تى قالاعا رەسپۋبليكالىق مارتەبە بەرۋىن, تۇركىستان وبلىسىنىڭ قۇرىلۋىن ەل-جۇرت ۇلكەن قۋانىشپەن قابىلدادى. بۇل ەلدىڭ كوكەيىندە كوپتەن جۇرگەن ماسەلە ەدى.
شىمكەنت – XIV عاسىردا قازىعى قاعىلىپ, ءوسىپ-جەتىلىپ, ادەبيەت پەن مادەنيەتتىڭ, ءوندىرىستىڭ وشاعىنا اينالعان قالا. ءبىر سوزبەن ايتقاندا, رەسپۋبليكالىق مارتەبەگە لايىقتى قالا.
ال تۇركىستان – تاريحىنىڭ تامىرى تەرەڭگە كەتكەن, قاسيەتتى, كيەلى مەكەن. سول تۇركىستان – قوجا احمەت ياساۋي بابامىزدىڭ كەسەنەسى ورنالاسقان, قازاق حالقىنا جول كورسەتكەن حاندار مەن بيلەر- ءدىڭ ماڭگىلىك تىنىس تاپقان جەرى.
ەلباسى جارلىعى قازىر 200 مىڭعا جۋىق تۇرعىنى بار تۇركىستان قالاسىنىڭ ءوسىپ-وركەندەۋىنىڭ باستاۋى بولادى. ەندى وبلىس ورتالىعى رەتىندە دە تۇركىستان قالاسىنىڭ ورنى ەرەكشەلەنە تۇسەدى. ايماقتا ءتۋريزمنىڭ دامۋىنا, ەكونوميكانىڭ وركەندەۋىنە جول اشىلادى.
تۇركىستان قالاسىنا ەندى ينۆەستيتسيا كوپتەپ تارتىلادى, سونداي-اق بىلتىر عانا تۇركىستان تۇركى الەمىنىڭ مادەني استاناسى دەگەن اتاۋعا يە بولسا, ەندى تۇركى الەمىنىڭ ناعىز ورتالىعىنا اينالۋىنا تولىق مۇمكىندىگى بار.
ءالىمجان قۇرتاەۆ,
سەنات دەپۋتاتى