اوك-ءتى تسيفرلاندىرۋ اياسىندا «قاسكەلەڭ تاجىريبە شارۋاشىلىعى» جشس بازاسىندا «ناقتى ەگىنشىلىكتى دامىتۋ ءۇشىن يننوۆاتسيالىق اگروتەحنولوگيالىق پاركى» («قاسكەلەڭ» اگروپاركى) پيلوتتىق جوباسى قۇرىلعان بولاتىن جانە ونىڭ جۇزەگە اسىرۋ جۇمىستارىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى ومىرزاق شوكەەۆ تانىستى, دەپ حابارلايدى اشم ءباسپاسوز قىزمەتى.
«قاسكەلەڭ» اگروپاركى 6 ءىرى عىلىمي ينستيتۋتتار كونسورتسيۋمى نەگىزىندە 1630 گا جەر كولەمىندە جۇگەرى, سويا, جازدىق بيداي جانە ارپا جانە سۇرانىسقا يە اۋىل شارۋاشىلىعى ءداندى-داقىلدارىن ءوسىرىپ-ءوندىرۋ بويىنشا قۇرىلعان.
ناقتى ەگىنشىلىك ەلەمەنتتەرىن ەنگىزۋ فەرمەرلەرگە ءوندىرىستىڭ تيىمدىلىگىن جوعارىلاتۋعا مۇمكىندىك بەرەدى. مۇنداي ەلەمەنتتەرگە ەلەكتروندى جەر كارتاسى, ناقتى مەتەودەرەكتەر, سەنسورلار مەن داتچيكتەر, جوعارى كامەرالارمەن جابدىقتالعان ءارتۇرلى ۇشاقتاردى پايدالانا وتىرىپ اەروفوتوتۇسىرىلىم جاساۋ, كوسمومونيتورينگ, پاراللەلدى جۇرگىزۋ جۇيەلەرىن پايدالانۋ, قاشىقتان باسقارۋ جانە باسقا شەشىمدەر جاتادى.
مۇنداي تەحنولوگيالاردى ەنگىزۋ اۋىل شارۋاشىلىعىندا تاۋەكەلدەردى باسقارۋدىڭ جاڭا دەڭگەيىنە كوشۋگە مۇمكىندىك بەرەدى; تەلەمەتريا جانە قاشىقتان كىرۋ جۇيەلەرى, قىسقا ۋاقىت ىشىندە ۇلكەن اۋماقتاردان ءارتۇرلى مالىمەتتەردى الۋعا جانە تالداۋعا جانە تەحنولوگيالىق ۇدەرىستەر مەن وپەراتسيالاردى تۇزەتۋ بويىنشا ۋاقتىلى شەشىمدەر قابىلداۋعا مۇمكىندىك بەردى.
مىسالى, ديففەرەنتسيالدى قولدانۋدىڭ ارقاسىندا تىڭايتقىشتار مەن وسىمدىكتەردى قورعاۋ ونىمدەرىن ءتيىمدى پايدالانۋ, سۋارۋ جۇيەسىندە سۋ مەن ەنەرگيا شىعىنىن ۇنەمدەۋ ءۇشىن سۋارۋ رەجيمدەرىن وزگەرتۋ, جۇكتىڭ بىركەلكى بولىنۋىنە بايلانىستى اۋىل شارۋاشىلىق تەحنيكاسىنىڭ لوگيستيكاسىن جوسپارلاۋ جانە تيىسىنشە, ونىڭ ونىمدىلىگىن ارتتىرۋعا مۇمكىندىك بەرەدى. وسىنىڭ ءبارى جوسپارلانعان شىعىنداردى 70% -عا دەيىن ازايتۋعا مۇمكىندىك بەرەدى جانە ناتيجەسىندە اۋىل شارۋاشىلىعى داقىلدارىنىڭ ونىمدىلىگىن ارتتىرادى.
مينيسترلىك تاراپىنان اوك-ءتى دامىتۋدىڭ بارلىق نەگىزگى باعىتتارى بويىنشا وسىنداي بىلىكتىلىك ورتالىقتارىن قۇرۋ بويىنشا جۇيەلى جۇمىس جۇرگىزىلۋدە. ۋنيۆەرسيتەتتەر, عزي مەن تاجىريبەلىك شارۋاشىلىقتار بازاسىندا وسى تەحنولوگيالاردى ءتيىمدى وقىتۋ جانە تاراتۋ ۇيىمداستىرىلۋدا.
جالپى اۋىل شارۋاشىلىعى مينيسترلىگى اوك-ءتى اۋقىمدى تسيفرلاندىرۋ ءۇشىن اوك-ءتى مەملەكەتتىك رەتتەۋ جۇيەسىن تسيفرلاندىرۋ, وندىرىستىك سالانى تەحنولوگيالىق قايتا جاراقتاندىرۋ سىندى ەكى ۇلكەن تاپسىرما قويىپ وتىر.
تسيفرلاندىرۋ اوك-ءتى مەملەكەتتىك رەتتەۋدىڭ ءتورت باعىتىن دامىتۋدىڭ ماڭىزدى قۇرالى بولىپ تابىلادى, ولار: اوك سۋبەكتىلەرىن قارجىلاندىرۋدىڭ قولجەتىمدىلىگى, وتكىزۋ نارىعىن جانە ەكسپورتتى دامىتۋ, مەملەكەتتىك باقىلاۋ مەن قاداعالاۋدىڭ تيىمدىلىگى, سۋ جانە بيورەسۋرستاردى ءتيىمدى باسقارۋ.
اتالعان باعىتتار بويىنشا اوك-تەگى 101 مەملەكەتتىك قىزمەت كورسەتۋ مەن وعان بايلانىستى پروتسەستەر اۆتوماتتاندىرىلاتىن بولادى.
اوك-ءتى تسيفرلاندىرۋ باسەكەگە قابىلەتتىلىكتى جانە ەڭبەك ونىمدىلىگىن ارتتىرۋعا, ازىق-ت ۇلىك قاۋىپسىزدىگىن قامتاماسىز ەتۋگە جانە سالاعا ينۆەستيتسيا تارتۋعا مۇمكىندىك بەرەدى. جالپى العاندا, 2025 جىلعا دەيىن ەكونوميكالىق تيىمدىلىك شامامەن 40 ملرد. تەڭگەنى قۇرايدى.