ارقا اجارى – «استانا» فەستيۆالى

ايتۋلى شاراعا وراي مادەنيەت جانە سپورت مينيسترلىگىنىڭ ءباسپاسوز ورتا­لىعىندا قازاقستاننىڭ ەڭبەك سى­ڭىر­گەن قايراتكەرى, «قازاقكونتسەرت» مەم­لە­كەتتىك كونتسەرتتىك ۇيىمىنىڭ ديرەكتورى جەڭىس سەيدوللا ۇلى, قازاقستان تەاترلارى اسسوتسياتسياسىنىڭ ۆيتسە-پرەزيدەنتى, م.اۋەزوۆ اتىنداعى قازاق مەملەكەتتىك اكادەميالىق دراما تەاترى­نىڭ ديرەكتورى اسحات ماەميروۆ, بەلگىلى 

تەاتر رەجيسسەرى يوناس ۆايتكۋس (ليتۆا) جانە «Piccolo di Milano» تەاترىنىڭ كور­كەمدىك جەتەكشىسى ستەفانو دە لۋكا­نىڭ (يتاليا) قاتىسۋىمەن ءباس­پا­سوز ءماسليحاتى ءوتىپ, فەستيۆال باع­دار­­ل­اماسى «Astana Musical» مەم­لە­كەت­تىك تەاترى رەپەرتۋارىنداعى ع.مۇسى­رە­پوۆتىڭ ايگىلى «قىز جىبەك» ەتنو-فولكلورلىق ميۋزيكلىمەن (رەجيسسەرى اسحات ماەميروۆ) اشىلدى.

– ءىى دۇنيەجۇزىلىك «استانا» تەاتر فەستيۆالىنىڭ باستى ەرەكشەلىگى – ەۋروپا مەن ازيانىڭ تەاتر كەڭىستىگىن بىرىكتىرۋ. تۇركىتىلدەس ەلدەردىڭ وزدەرىنە ءتان فەستيۆالدارى بار. سول سەكىلدى تازا ەۋروپالىق تەاتر بايقاۋلارىنا دا ءجيى قاتىناسىپ ءجۇرمىز. قىتاي جاقتا دا ازيا ەلدەرىنىڭ ايتۋلى فەستيۆالدارى ۇيىم­داستىرىلادى. ەلوردامىزدىڭ 20 جىلدىعى قارساڭىندا وسىناۋ الەم­دىك تەاتر مادەنيەتى كەڭىستىگىن ءبىر ورتا­لىق­تا توعىستىرعىمىز كەلدى. ءوزىنىڭ 20 جىلدىق تاريحىندا استانا تەك ساياسي-ەكونوميكالىق جاعىنان عانا ەمەس, سونىمەن بىرگە مادەني تۇرعىدان دا الەمدىك دەڭگەيدەگى ۇلكەن رۋحاني ور­تا­­لىققا اينالىپ كەلە جاتىر. ونىڭ اي­قىن دالەلى – ەلوردا مادەنيەتىنىڭ شىن مانىندەگى بىرەگەي وقيعاسى وسى ءىى دۇ­نيە­جۇزىلىك «استانا» تەاتر فەستيۆالى. اي­تۋلى ونەر دۋمانى تەاتر الەمىنىڭ مىق­تى-مىقتى ساحنا مايتالماندارىن جيناپ وتىر. مۇنىڭ ءوزىن ەلىمىزدەگى ەڭ ۇلكەن ونەر وقيعاسى دەپ بىلەمىن, – دەدى ءباسپاسوز ءماسليحاتىنىڭ سپيكەرى, قازاقستان تەاترلارى اسسوتسياتسياسىنىڭ ۆيتسە-پرەزيدەنتى اسحات ماەميروۆ. 

ماۋسىم ايىنىڭ 16-سى مەن 28-ءى ارالىعىندا قازاقستان تەاترلارىنان بولەك, تاعى 12 مەملەكەت­تەن كەلگەن الەمدىك تەاتر ۇجىم­دا­رى­نىڭ قاتىسۋىمەن بارلىعى 18 قويى­لىم فەستيۆال اياسىندا كورەرمەن نا­زا­رىنا ۇسىنىلادى. اتاپ ايتار بول­ساق, ولار: «Piccolo di Milano» تەاترى (يتاليا), «1927» تەاترى ( ۇلىب­ري­تانيا), «Meno Fortas» (ليتۆا), «Warszawa» (پولشا), تاۋەلسىز ينتەرنا­تسيونالدى «11» تەاترى (گەرمانيا), ش.رۋستاۆەلي اتىنداعى مەملەكەتتىك اكادەميالىق تەاترى (گرۋزيا), «بەيجىڭ حالىقتىق كوركەم تەاترى» (قىتاي), وزبەك ۇلتتىق اكادەميالىق دراما تەاترى (وزبەكستان), لەنسوۆەت اتىنداعى سانكت-پەتەربۋرگ اكادەميالىق تەاترى, ماسكەۋ گۋبەرنيالىق تەاترى (رەسەي), ش.تەرميچيكوۆ اتىنداعى شۋ وبلىستىق تەاترى, ت.ابدۋمومۋنوۆ اتىنداعى اكادەميالىق دراما تەاترى (قىرعىزستان). سونداي-اق وتاندىق تەاترلاردان: م.اۋەزوۆ اتىنداعى قازاق مەملەكەتتىك اكادەميالىق دراما تەاترى, ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى, ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى جانە «Astana Musical» تەاترى ونەر كورسەتەدى. ايگىلى قويىلىمدار «قازاقستان» ورتالىق كونتسەرت زالىندا, حولل ەنەرگيا, بەيبىتشىلىك جانە كەلىسىم سارايىندا, ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا جانە م.گوركي اتىنداعى مەملەكەتتىك اكادەميالىق ورىس دراما تەاترىندا ساحنالانادى. فەستيۆالعا كسرو حالىق ءارتىسى, قازاقستاننىڭ ەڭبەك ەرى ءاسانالى ءاشىموۆ (قازاقستان), يوناس ۆايتكۋس (ليتۆا), داۆيد اساتياني (فرانتسيا), بەاتريس پيكون-ۆاللەن (فرانتسيا), داۆيد پاپاۆا ( ۇلىبريتانيا) باستاعان ەۋروپا مەن ازيانىڭ بەلگىلى تەاتر قايراتكەرلەرى, تەاترتانۋشىلار, تەاتر سىنشىلارى ساراپشىلىق ەتەدى. اتالعان ءىس-شارانىڭ باستى قوناعى – وسكار سىيلىعىنىڭ يەگەرى, دۇنيە جۇزىنە بەلگىلى كينو جانە تەاتر اكتريساسى جيۋلەت بينوش. 

مادەنيەت جانە سپورت مينيس­تر­لى­گىنىڭ قولداۋىمەن ءوتىپ جاتقان ايتۋ­لى تەاتر مەرەكەسىنىڭ نەگىزگى ۇيىم­داس­­تىرۋشىلارى «قازاقكونتسەرت» مەم­­­لە­­كەتتىك كونتسەرتتىك ۇيىمى جانە قازاق­ستان تەاترلارى اسسوتسياتسياسى. ەلور­دانىڭ 20 جىلدىق مەرەيتويىنا تارتۋ رەتىندە كورەرمەنىن سەرپىلتكەن باس قالانىڭ باستى ونەر وقيعاسى  

ءىى دۇنيەجۇزىلىك «استانا» تەاتر فەستيۆالى ەكى اپتا بويى تەاتر جانكۇيەرلەرىن ەستەن كەتپەس رۋحاني قۋانىشقا كەنەلتەتىنى ءسوزسىز. 

نازەركە جۇماباي,  «ەگەمەن قازاقستان»