الماتى ساياحات ورتالىعىنا اينالادى

مۇنداي كورسەتكىشتەر ء«تۋريزم­دى دامىتۋدىڭ 100 قا­دا­مى» قالالىق باعدارلا­ماسىن جۇزەگە اسىرۋ بويىن­شا الماتى قالاسىنىڭ اكى­مى باۋىرجان بايبەكتىڭ قا­لا تۋروپەراتورلارىنىڭ قاتى­سۋىمەن وتكىزگەن كەڭەستە ءمالىم بولدى.

قالا اكىمىنىڭ ورىنباسارى اسەل ءجۇنىسوۆانىڭ ايتۋىنشا, حالىقارالىق ەكسپو-2017 كورمەسىنىڭ, بۇكىلالەمدىك ۋني­ۆەرسيادانىڭ, سونىمەن قاتار «Star of Asia», « ۇلى دالا ويىندارى», «Tour of Almaty» ت.ب. مۋزى­كالىق, سپورتتىق شارا­لاردىڭ ءوتۋى تۋريستەر لەگىنە وڭ ىقپال ەتكەن.

«بۇگىندە قالا ەكونومي­كا­سىنىڭ 87%-ءى قىزمەت كورسەتۋ سالاسىنا قاتىستى بولسا, جالپى وڭىرلىك تابىستاعى ءتۋريزمنىڭ ۇلەسى نەبارى 1,5% قۇرايدى ەكەن. مەگاپوليستىڭ تۋريستىك الەۋە­تىن ارتتىرۋ ماقساتىندا الماتى اگلومەراتسياسىنىڭ تاۋ ءتۋريزمى بويىنشا جوسپارى جاسالىپ, ونىڭ قۇرامىنا مەدەۋ, شىمبۇلاق, الماتاۋ جانە بۋتاكوۆكا ەنگەن. بيىلعى جىلى الەمدىك دەڭگەيدەگى Kempinski جانە Novotel وتەلدەرىنىڭ, ءتۇر­لى بۋتيك-وتەلدەر مەن حوس­­­تەل­دەردىڭ قۇرىلىستارىن اياق­تاۋ جوسپارلانعان. جىل اياعىنا دەيىن 14 حالىقارالىق اگەنتتىك ءۇشىن بۇۇ-نىڭ وڭىرلىك حاب-ى اشىلاتىن بولادى»,  دەدى اسەل ءجۇنىسوۆا. سونىمەن قاتار قازىرگى كەزدە تۋريستەردىڭ كوپشىلىگى ارنايى ۆەب-تۇعىرلار ارقىلى جەكەلەگەن دەمالىستارىن جوسپارلايتىنىن ايتتى. 

كوبىنە اقش, رەسەي, ۇلى­بري­تانيا, ءۇندىستان جانە گەر­ما­نيانىڭ ازاماتتارى پايدالاناتىن الەمدىك TripAdvisor تۇعىرناماسىنان تۋريس­تەردىڭ الماتىعا دەگەن قىزىعۋ­شى­لىعىن ناقتى كورۋگە بولادى. مۇندا قالاعا دەگەن سۇرانىس 465-تەن 66 824-كە ۇلعايعان.

ال قالا اكىمىنىڭ ورىنباسارى مۇرات دارىباەۆ كولىك توراپتارىنىڭ جەتىلدىرىلىپ جات­قانىن ايتتى. كەلەسى ايدان باستاپ بارلىق قالاارالىق جانە حالىقارالىق جولاۋشى تاسىمالى «سايران» اۆتوبەكەتى ارقىلى ىسكە اساتىن بولادى. قازىرگى كەزدە عيمارات قايتا جاسالۋدا, كولىك-لوگيستيكالىق ينفراقۇرىلىمى جەتىلدىرىلىپ, جەڭىل كولىك تۇراقتارى مەن حالىقارالىق قاتىناس ايماعى كەڭەيتىلمەك. نىسان ىشىندە لوكالدى تۋريستىك ورتالىق جۇ­مىسى جولعا قويىلىپ, وندا تۋروپەراتورلار الىس-جاقىن شەتەلدەرمەن بايلانىستا بولادى. قوعامدىق تاماقتانۋ ورىندارى دا زامانعا ساي قىزمەت ەتەدى. سونىمەن بىرگە «الماتى-1» جانە «الماتى-2» تەمىر جول ۆوك­زالدارىن قايتا جاڭعىرتۋ جۇمىس­تارى قولعا الىن­عان. ەكى ءجۇز اۆتوكولىكتى قىسقا مەرزىمگە جالعا بەرۋ قىزمەتى جول­عا قويى­لاتىن بولادى. وتكەن جى­لى 479 قوعامدىق كولىك قالا تۇر­عىندارىنا قىز­­مەت ەتكەن بولسا, بيىلعى جىلى 569 جاڭا اۆتوبۋس جول­عا شىعادى. وسى وتىرىستا ماگيس­ترالدى كوشەلەردىڭ بويىن­داعى پاتەرلەردى جالعا بەرۋ ماسە­لەسىنىڭ دە زاڭ شەڭبە­رىندە جۇمىس ىستەۋى ءتيىس ەكەندىگى ايتىلدى.

قازاقستان تۋريستىك اسسوتسيا­تسياسىنىڭ ديرەكتورى راشيدا شايكەنوۆا ىلە الاتاۋى سايا­باعىندا تۋريستەردىڭ فوتو جانە بەينەكامەرا پايدالانۋى قانشالىقتى اقىلى بو­لا­تىندىعى تۋرالى ماسە­لە كوتەرسە, ىلە الاتاۋى سايابا­عىنىڭ باس ديرەكتورى دامير مال­گەل­ديەۆ تەك كوممەرتسيالىق تۇسى­رىلىمدەرگە عانا اقى الىنا­تىن­دىعىنان حاباردار ەتتى. باس­شىنىڭ ايتۋىنشا, قازىرگى كەزدە ىلە الاتاۋى پاركىن دامىتۋ تۋرالى تۇجىرىمداما جاسالعان.

ەلۆيرا سەرىكقىزى, «ەگەمەن قازاقستان»

الماتى