نەشە ءتۇرلى تاۋەكەلدەرگە بارۋدان شارشامايتىن «اكۆافون» توبىنىڭ تاياۋدا «اسپان كوشپەندىلەرى» البومى جولعا شىقتى.
«ەتنونى كورە ءبىلۋ دە ونەر» دەگەن ۇرانمەن ءومىر سۇرەتىن كوپ قىرلى دارىن يەلەرى بۇعان دەيىن دە ۇلان-عايىر قازاقستاندى ناسيحاتتاۋعا ارنالعان «بۇلت باعۋشىلار» البومىن شىعارعان بولاتىن. سونىمەن اتالمىش توپ فولكلور ەشقاشان قارتايمايدى دەپ ەسەپتەيدى. ودان ەجەلگى زامانداردىڭ رۋحىن عانا ەسپەيدى ءارى وتە زاماناۋي ەستىلمەك.
ال «اسپان كوشپەندىلەرى» جاڭا البومىندا نەوفولك ستيلىندەگى بەس تۇركىلىك كومپوزيتسيا بار. بيىل «اكۆافون» توبىنىڭ اندەرى كاير ىستانبۇل, داليان تورىنەن ەستىلدى.
جۋىردا عانا لاتۆياداعى بەينەبايان تۇسىرىلىمىنەن ورالعان توپ جاڭا البومنىڭ بىشكەك, شىمكەنت قالالارىندا وتكەن «الاكول قاناتتارى», «وڭتۇستىك سامالى» فەستيۆالدەرىندە تۇساۋىن كەسىپ, الماتىداعى Quadrate تەاترى مەن رەسەي كونسۋلدىعىندا تانىستىرىپ ۇلگەردى.
ونەرلى توپتىڭ پايىمداۋىنشا, «اسپان كوشپەندىلەرى» – قازاقستانعا ارنالعان مۋزىكالىق باعىشتاۋلاردىڭ ىشىندە ەرەكشەسى. بۇل جەردە فولكلورلىق ستيلمەن قاتار, پوپ, روك جانە دجاز قاتار اۋەلەيدى. جاڭا البومدى جاساۋعا توپتىڭ نەگىزگى مۇشەلەرى – پاۆەل اكسەنوۆ, ولەگ بەلوۆ, ەۆگەنيا گۋبانوۆا, ولگا ناگاەۆامەن بىرگە جيىرما شاقتى ادام جۇمىس ىستەگەن. ولاردىڭ قاتارىندا سارا نايمان, ۆەنەرا ورازبەكوۆا, ماريا كاسيمانوۆا, مۋزىكانتتار تالعات حاسەنوۆ (ماسكەۋ), ەۆگەني پوجيداەۆ, «موتور-روللەر» توبىنىڭ كوشباسشىسى يلياس اۋتوۆ پەن ەدۋارد دۆۋحيمەننىي («سەۆەرنىي ۆەتەر» توبى) بار.
پاۆەل اكسەنوۆ: ء«ومىرىمنىڭ باسىم بولىگى قازاق جەرىندە ءوتتى. بالا كۇنىمىزدەن بەرى قازاق حالقىنىڭ اندەرىن ەستىپ, قۇلاعىمىزعا ءسىڭدىرىپ وستىك. بۇل حالىقتىڭ رۋحى مەن تاريحىن كەز كەلگەن وقۋلىقتان دا ارتىق ايتا الادى.
ولەگ بەلوۆ: «وسى جوبا ارقىلى ءبىز كەڭ-بايتاق قازاقستاندى قۇشاعىمىزعا الۋعا ۇمتىلدىق. ۇلكەن الماتى مەن كىشىگىرىم سايماساي تۋرالى اندەر جازىپ, ءبىز ونى الاكول, بالقاش, قاپشاعاي, شارىن, تيان-شان, سارىارقا بولىپ شىرقادىق.
ولگا ناگاەۆا: «بۇل ولكەدە تەك تابيعي ايماقتار عانا توعىسپايدى. ۇلى جىبەك جولىنىڭ جۇرەگىندە وركەنيەتتىڭ كوپعاسىرلىق ديدارلاسۋى جاتىر. مەن تاراز جاقتا وسكەن اداممىن جانە ونى بۇكىل جانىممەن سەزەمىن.
ەۆگەنيا گۋبانوۆا: ء«بىزدىڭ البوم ۇلى جىبەك جولىنىڭ جاڭعىرۋىن جىرلايدى. ءدال وسى ولكەدە ەرەكشە مادەنيەت سالتانات قۇرعان. سونداي-اق البومعا «قارلى تاۋلاردىڭ ەتەگىندەگى قالا» ەكسپەريمەنتتىك ءانى كىردى.
ايناش ەسالي,
«ەگەمەن قازاقستان»
الماتى