«ەلىمىزدە 2018 جىلدىڭ باسىنان بەرى مەنينگوكوكك ينفەكتسياسىنىڭ 61 راستالعان جاعدايى تىركەلدى, ونىڭ ىشىندە ستاتسيونارلىق ەمدەۋدە 9 ادام جاتىر, 40 ادام اۋرۋحانادان شىقتى, ءولىم جاعدايى - 12: الماتى قالاسىندا - 6, الماتى وبلىسىندا - 3, وڭتۇستىك قازاقستان وبلىسىندا - 2 جانە قىزىلوردا وبلىسىندا 1 جاعداي. احۋال قر دەنساۋلىق ساقتاۋ مينيسترلىگىنىڭ باقىلاۋىندا», - دەپ حابارلادى دەنساۋلىق ساقتاۋ مينيسترلىگى.
سونىمەن قاتار قوعامدىق دەنساۋلىق ساقتاۋ كوميتەتى استانا قالاسىندا مەنينگوكوكك ينفەكتسياسىنان ءولىم جاعدايلارىنىڭ بولماعانى تۋرالى بۇرىن بەرىلگەن اقپاراتتى راستادى.
«جىل باسىنان بەرى استانا قالاسى بويىنشا 6 راستالعان جاعداي, ونىڭ ىشىندە بالالار اراسىندا 2 جاعداي تىركەلگەنىن اتاپ وتەمىز. بارلىق پاتسيەنتتەر ساۋىعىپ شىقتى, 1 بالا بالالاردىڭ جۇقپالى اۋرۋلار اۋرۋحاناسىندا ەمىن جالعاستىرۋدا», - دەدى دەنساۋلىق ساقتاۋ كوميتەتى.
ايتا كەتەيىك, 13 ماۋسىمداعى جاعداي بويىنشا, ەلىمىزدە مەنينگوكوكك ينفەكتسياسىنىڭ راستالعان 59 جاعدايى تىركەلگەن بولاتىن.