بۇگىن ەلىمىزدىڭ باسىم بولىگىندە قۇبىلمالى اۋا رايى ساقتالادى. تەك باتىستا جانە وڭتۇستىك-باتىستا جاۋىن-شاشىنسىز كۇن رايى كۇتىلەدى. كەي جەرلەردە جاڭبىر جاۋادى, نايزاعاي ويناپ, جەل كۇشەيەدى, داۋىل مەن بۇرشاق كۇتىلەدى, دەپ حابارلايدى «قازگيدرومەت».
اقمولا وبلىسىنىڭ كەي جەرلەرىندە نايزاعاي ويناپ, داۋىل تۇرادى. جەلدىڭ ەكپىنى 15-20 م/س كۇشەيىپ, بۇرشاق جاۋى مۇمكىن. قىزىلوردا, ماڭعىستاۋ, اتىراۋ وبلىستارىنىڭ كەي جەرلەرىندە جەل 15-20 م/س كۇشەيەدى, شاڭدى داۋىل بولادى.
الماتى, باتىس قازاقستان وبلىستارىنىڭ كەي جەرلەرىندە جەل 15-20 م/س ارتادى. اقتوبە وبلىسىنىڭ جەكەلەگەن جەرلەرىندە نايزاعاي بولادى, كۇندىز جەلدىڭ جىلدامدىعى 18 م/س ارتادى. كۇندىز جامبىل وبلىسىندا نايزاعاي ويناپ, جەل 15-20 م/س جەتەدى.
شىعىس قازاقستان وبلىسىنىڭ كەي جەرلەرىندە سونداي-اق 15-20 م/س ەكپىندە جەل سوعىپ, تۇندە نايزاعاي بولادى. قوستاناي, سولتۇستىك قازاقستان, پاۆلودار, قاراعاندى وبلىستارىنىڭ كەي اۋماقتارىندا نايزاعاي كۇتىلەدى, جەل 15-20 م/س كۇشەيەدى, بۇرشاق بولۋى مۇمكىن.
ماڭعىستاۋ وبلىسىندا باسىم بولىگىندە, قىزىلوردا, اتىراۋ, اقتوبە, وڭتۇستىك قازاقستان, جامبىل وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.