قىزىلوردا وبلىسىندا جاتاقحاناعا مۇقتاج ءۇش مىڭ ەكى ءجۇز ستۋدەنتتەردىڭ تەك ۇشتەن ءبىر بولىگى ستۋدەنتتىك جاتاقحانالاردان ورىنمەن قامتىلعان. كەيبىر ستۋدەنتتىك جاتاقحانالاردىڭ توزىعى جەتىپ, ارنايى جوندەۋ جۇمىستارىن قاجەت ەتىپ وتىر.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتىنىڭ باستاماسىمەن قۇرىلعان سىبايلاس جەمقورلىققا قارسى ارنايىمونيتورينگتىك توپ مۇشەلەرىمەن قورقىت اتا اتىنداعى قىزىلوردا مەملەكەتتىك ۋنيۆەرسيتەتى, ي.ابدىكارىموۆ اتىنداعى قىزىلوردا اگرارلىق تەحنيكالىق جوعارى كوللەدجى, م.مامەتوۆا اتىنداعى قىزىلوردا گۋمانيتارلىق جوعارى كوللەدجى, قىزىلوردا مەديتسينالىق جوعارى كوللەدجى جانە قازانعاپ اتىنداعى قىزىلوردا مۋزىكالىق كوللەدجى جاتاقحانالارى تەكسەرىلدى.
باستى ماقسات جاتاقحانالار قىزمەتىنە قوعامدىق باقىلاۋ ورناتۋ ارقىلى جەمقورلىق كورىنىستەرىنە جول بەرمەۋ جانە سىبايلاس جەمقورلىق تاۋەكەلدەرىن انىقتاۋ بولىپ تابىلادى.
رەيد بارىسىندا ستۋدەنتتىك جاتاقحانالاردىڭ ماقساتتى پايدالانۋى, ونىڭ ىشىندە, وزگە ساناتتاعى ازاماتتاردىڭ جانە وتباسىلاردىڭ نەگىزسىز تۇرۋىن بولدىرماۋ باستى نازارعا الىندى.
ارنايى مونيتورينگتىك توپتاردىڭ جۇرگىزگەن قاراۋى ناتيجەسىندە ستۋدەنتتىك جاتاقحانالاردا وتباسىلاردىڭ تۇرىپ جاتۋى انىقتالعان جوق.
الايدا, قاراۋ بارىسىندا ي. ابدىكارىموۆ اتىنداعى قىزىلوردا اگرارلىق-تەحنيكالىق كوللەدجىنىڭ ستۋدەنتتىك جاتاقحاناسىندا وزگە وقۋ ورىندارى ستۋدەنتتەرىنىڭ نەگىزسىز تۇرىپ جاتۋى انىقتالدى.
رەيدتىك قاراۋ قورىتىندىسىمەن وبلىستىق ءبىلىم باسقارماسىنا ءتيىستى ۇسىنىستار ەنگىزىلىپ, اتالعان كوللەدج ديرەكتورىنىڭ ورىنباسارى ع. مامىتوۆ تارتىپتىك جاۋاپكەرشىلىككە تارتىلدى. رەيدتەر الداعى جالعاسىن تابادى.