بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆتىڭ توراعالىعىمەن قازاقستاننىڭ تۋريستىك سالاسىن دامىتۋدىڭ مەملەكەتتىك باعدارلاماسىن ازىرلەۋ ماسەلەلەرى جونىندە كەڭەس ءوتتى, دەپ حابارلايدى primeminister.kz.
كەڭەس بارىسىندا تۋريزم سالاسىن دامىتۋدىڭ ماڭىزدى اسپەكتىلەرى تالقىلانىپ, تۋريستىك قىزمەتتى مەملەكەتتىك قولداۋ شارالارى قارالدى.
قر مادەنيەت جانە سپورت ءمينيسترى ارىستانبەك مۇحامەدي ۇلى قر تۋريستيفيكاتسيا كارتاسى جوباسىمەن تانىستىردى.
كارتا جوباسى 62 تۋريستىك دەستيناتسيا مەن نىساننان تۇرادى, ولاردىڭ 46 بۇرىننان ارەكەت ەتۋشى جانە 16 جاڭا. نەگىزگى ىرىكتەۋ كريتەريلەرى جالپى ەل ءۇشىن تۋريستىك ماگنيت رەتىندە نىساننىڭ بىرەگەيلىگى جانە تۋريستىك اعىن كولەمىنىڭ الەۋەتتى ءوسۋى بولدى. ۇسىنىلعان نىسانداردىڭ تاريحي جانە مادەني ماڭىزى, مىسالى, يۋنەسكو-دا مويىندالعان ەسكەرتكىشتەر نەمەسە ۇلى جىبەك جولىنىڭ نىساندارى تىزىمىنە ەنگىزىلگەن ەسكەرتكىشتەر, سونداي-اق «رۋحاني جاڭعىرۋ» جالپىۇلتتىق ماڭىزى بار قاسيەتتى نىساندار ەسكەرىلدى.