Qazkom بانكتىك ليتسەنزياسىن وتكىزەدى, - دەپ حابارلايدى قارجى ينستيتۋتىنىڭ ءباسپاسوز قىزمەتى. Halyk Bank باسقارما باسشىسى ءۇمىت شاياحمەتوۆا مۇنى "ەكى بانكتىڭ بىرىگۋىنىڭ تاريحي پروتسەسىندەگى جوسپارلى مەجە" دەپ اتادى.
"بۇل ءساتتىڭ ماڭىزىن تولىق تۇسىنەمىز, سوندىقتان Qazkom كليەنتتەرى تەك جاقسى وزگەرىستەر كورۋىنە كۇش سالىپ جاتىرمىز. قوس بانكتىڭ كوماندالارى وپەراتسيالاردىڭ حالىق بانكىندە شوعىرلاندىرۋدا بىرنەشە اي ەڭبەكتەنىپ جاتىر. حالىق بانكى Qazkom كليەنتتەرى مەن كونتراگەنتتەرى الدىنداعى بارلىق جاۋاپكەرشىلىكتى ءوز موينىنا الادى. كليەنتتەر ەسەبى وتكىزىلگەننەن كەيىن Qazkom-عا بانكتىك ليتسەنزيا قاجەت ەمەس. سوندىقتان ونى وتكىزۋ تۋرالى شەشىم قابىلداندى. بۇل اكتيۆتەر بىرىككەننەن كەيىن بولادى, وعان دەيىن Qazkom جۇمىسىن قالىپتى تارتىپتە جالعاستىرادى" - دەيدى ءۇمىت شاياحمەتوۆا.
2018 جىلدىڭ 14 ماۋسىمىنداعى Qazkom اكتسيونەرلەرىنىڭ كەزەكتىن تىس جينالىسىندا ليتسەنزيانى حالىق بانكىنە ەرىكتى تۇردە تاپسىرۋ تۋرالى شەشىم قابىلداندى. مۇنىڭ الدىندا قر ۇلتتىق بانكىنەن Qazkom-دى ەرىكتى تۇردە حالىق بانكىنە قوسۋ تۋرالى رۇقسات الىنعان. "Qazkom بارلىق مۇددەلى تۇلعالارعا بانك قىزمەتى وتكىزۋ اكتىسىنە قول قويىلعانشا قالىپتى جۇمىس ىستەيتىنىن حابارلاۋدى كەرەك دەپ تاپتى. وسى ۋاقىتتان كەيىن Qazkom بانكىنىڭ بارلىق قۇقىقتارى مەن مىندەتتەرى حالىق بانكىنە وتكىزەدى.
Halyk Bank بەلگىلى ۋاقىتقا "كازكوممەرتسبانك / Qazkom" برەندىن ساقتاي وتىرىپ, بانك كليەنتەرى مەن سەرىكتەستەرىنە قالىپتى رەجيمدە قىزمەت كورسەتەدى", - دەپ اتاپ ءوتتى ءباسپاسوز قىزمەتىنىڭ وكىلدەرى. 2018 جىلدىڭ 20 ساۋىرىندە ەكى بانك اكتسيونەرلەرىنىڭ بىرىككەن جينالىسىندا حالىق بانكىنە قوسىلۋ تۋرالى شەشىم قابىلدانعان.